Amasa
in hibang Website ongpia ih biak Pasian tungah lungdamna lianpi ka ko masa
hi. SDA pawlpi maan ih hihman in ih tangko ding thu tampi tak leh ih
pawlpi sung mahmah ah Pawlpi mite theihding leh simding kilawm Articles tampi
tak nei ih hihman in tuate a hawmkhia sawn leh akem cingin mapang thei ih
hihman in lungdamna ih pulak khia hi.
Banghangin
hibang website ong piang khia hiam cih dotna tawh kisai-in gending tampi aom
lak ah Makaite theihna leh makaihna mah tawh ATI sangpi Maymyo ah kiphut in tua
sangpi pan Pasian thu kisin in Sangthupi mahmah ong hihteh khanglam makaite in
deihlo uh a Sia Kenneth Thang leh Sia Kai Khan Khualte sign thuhna
tawh(Khanglamte Molhtum) ong phiat uh hi. Kum 100 pawipi Tantaung
(Taungngo) ah pawi aom ciangin Siapi Memory Tun in no Zomite hai thei mahmah uh
teh no lak ah ka molhtum tampi tak nei ingh, muamkhum khat tawh a lungkim te hi
uh the ci hi. Ih siapite tawh uino suktuah bangin ong sutuah ta maw uh hi.
Tua
acih mahbangin muamkhum tawh a lungkim pianpih Siapite leh makaite hangin tu ni
ciangdong kibuai mahmah hi. A zenzen in tua muamkhum tawh alungkimte om kei zen
leh khanglam siapite in ong suktheih nading uh tam lo ding hi.
Conference
ong pian nadingin Zomi sungah makaipite in 1987 pek in Sia paukhante Isuzu pi tawh
mandaly ah na pai ngeingai uh hi tua in vekpi mah a kideih ahi hi. Division in
laiphah ding gen a lai kiphah hi na pi’n Pastor Kip Za Nang Union Secretary
pipa in alaipen ninbung ah na koihsak ziau hihtuak, tua bangteng tawh ong
hi toto in Division late president Pr. Gulfant ong paiteh amau zong
thukim hi a kong pai kikteh conference honna pawipi bawlding a cih hi a Siapi
khat ahi Pr. Kai Khan Khual bangin hoihlua hi ci-in bang akiciam phial zizen hi
a Maymyo pan laiphahdingte bawlding cih hi a Maymyo a tunteh a tote in banggen
hiam thute kilehbulh lam in gingkhia hi.
Hibangteng tawh C te apanpih ding sangsik
un ong lehpan ta uh a atawpna ah ci ni cileng Sabbath School Lesson te Mission
News te kingah nawnlo hi. Lei ding na ngawn kingah zo ngiatlo a Missionte in
phal ngiatlo ahihman in 2006 akipan in bangbang hita leh website nei-in tuapan
in mikim in Sabbath School Lesson asimtheih ding lunggulhna tawh hiciang Pasian
in ong tonpihto suak hi.