KHALAM VANGNGAIH PAKNA LEH EI DIK GAWP LEL KISAK KHAKNA

HUN NUNG A DING KI GIN KHOLHNA 

KHAWKPI 1 (PAWL PI SUNG KIPUAH PHATNA)

KHALAM VANGNGAIH PAKNA LEH EI DIK GAWP LEL KISAK KHAKNA

Muanhuai teci pangpa thupiakna pen, hih patau tangkona mangmuhna in huh hi. “Bang hang hiam cih leh, nang mah in “Kei ka hau hi, nate ka nei hi, kisapna omlo hi; na ci a, ahih hang in nang mah in a kisia, along patau, a zawnglua, mit-taw-pi, puan lo a guak din’na hih lam na ki thei khi” Mang 3:17 ci hi.

Pasian mite lak ah Laodecea lungsim a neite in, leitung nate thupi sa a, amau leh amau hoih gawp kisakna din’ mun khuamial sung a om bang ahi uh hi. Amau phazo kisa uh hi. Amau leh amau khalam din’mun sang taka om in kiseh uh hi. Ahih hang in Pasian muhna ah dah huai mahmah uh hi. Amau kithei lo uh hi. Amaute khem in om uh hi.

Laodecea tunga thupiak pen Pasian mi hing a kici te tungah ki bulh thei hi. Amau in, khuavak lian ka nei uh a, tua khua vak zui in lam ka pai uh hi, ci uh hi. Tua bang a ki ngaih sun na pi a, amakai Pa uh kalsuan lah a zui lote, akisik kik kei uh leh, ki siakhia ding hi” 2 SM. 66.

Thupiak na in, amaute pianzia, a leitung vaite uh kawk khia pah a, khalam a amit-tawtna uh, a zawn’na alung patauh huainate uh lak hi. Hih bang a vang ngaih lelna pen lauhuai hi. Bang hang hiam cih leh, tua bang den ahih uh leh Pasian gupna vaang in huam kha lo ding hi. Eite nopsak bang lel a om ziau mawk na pen, vantung Siavuanpa in hong puah theihna om lo hi. “Cidamte in zato deih lo uh a, cina te bek in deih hi” Topa in ci hi.

Tua tham lo in, “Kei mah in midikte sam dinga hong pai hi lo-in a kisik kik nuam mawhneite sam dingin hong pai ka hi hi.” ci hi. Mk. 2:17 A tatak in ci leng, midik khat beekbeek omlo hi. Rom 3:10,23 zong en in.

Tua bang ahih leh kua in mawh bang lo a, om hiam? Pharisees te thu gen tehna bang in “midik ka hi a, khalam a siangtho ka hi, a ci ngamte a ding in hih thu kigen hi. Tua bang mite omzia pen mawh ki mai sak thei lo hi. Amaan in zong ki puah thei lo hi. A thungetnate uh zong ngah thei lo uh hi.

Tua bang ahite kiang ah, “ki sik kik un” ci in kisawl hi. Mang 3:19. Kisik kik na in (a) Mawhna phawk hi. (b) Mawhna a ding in dah hi. (c) Tua mawhna nusia nuam hi. Ahih hang in amah dikgawp a kisa mi in bang ci ki sik kik thei ding hiam? Kisik kik lo in lah, bangci Pasian’ hehpihna, mawhmaina ngah thei ding hiam?

Gupkhiatna vaang in, mawhneite a huut khiat theihna ding in, khalam ahoih zo akisa, kiphat sakna sang in lampi adal zaw na dang khat beek omlo hi. Tua din’mun in upna hang aa dikna ngahna ahi maisakna leh zawhna om thei bek pen, aleh lampang ah amaute koih hi.

“Kei in ka hau hi” cihna lungsim in ei leh ei dikkhin gawp kisakna bulpi hi aa, kamsangpa Isaiah in atel gen mahmah na ah: “Kih huai puansia bang hi: na ci hi. Isa. 64:6. Hih bang lungsim neite in, a teh pha aa, agah omlo a heu theikung bang hi ding hi. Paul in thu hoih tawh hih din’ mun pelh theih nading na gen hi.

A thugenna ah, “Khris ka ngah theih nading leh Ama sunga ka om theih na ding in, kei dikna om lo, thukham thu tawh hi lo, Khris upna thu tawh, upna hanga Pasian hong piak khong ding hi, ci-in na telgen hi. Philip. 3:8,9.

Ih lawp taktak aa, kipawl ding ih ut leh, hih thu in eite a ding in hoih hi. Pasian hong genna ah: “Laodecea tunga thu kipia pen tu hun a Pasian mite tung a a cihna hi, ci-in hong lak hi. Nasep kizo nailo a, a tam zaw om lai hi, a cih pen, alungsim te uh khauh lua ahih man hi. Pasian in a hun maan tak nasep kisem ding in thu puak pia khia hi. Lungsim in sawt vei pi Zeisu a pua paih pen, tua mawhna pan kisiang sak ding hi.

Tua lauhuai thupuak in a nasep hong sem ding hi. Thu a kipiak masak in, a lungsim uh hong sittel ding uh hi. Amawh nate uh hong pulaak in, Pasian mite mun citeng ah hong kilok ding hi. Tua pen Pasian mite thawh khiat nading hi a, amau nungtolh nate phawk in, kisik kik aa, thanuam takin Zeisu mai ah pah tak zong in, vantung mi thum tangkona aa, aw ngaihpi hong ging ding hi.” 1 T.186.