KHAWKPI 1 UPNA TAWH DIKNA NGAHZIA

HUN NUNG A DING KI GIN KHOLHNA 

KHAWKPI 1 (PAWL PI SUNG KIPUAH PHATNA)

UPNA TAWH DIKNA NGAHZIA

Puan paak pen, mawhneite nuntakna Khris thumaanna tawh kidim in, vantung kizepna puan paak tawh kigankhawm hi, cihna hi. Tua kizepna pen upna bek tawh kingah thei hi. Midik khat suahna ding vai pen, tanglai mawhna pan sut khiat phot kul hi. Ih nu leh pa masa te in Pasian thukham na palsat aa, atawn tung sihna ding khuk ah na kia aa, tu in mihing ih hih nak leh dikkikna lampi Pasian tawh kilem kikna ih zon kul hi. Job lawmte khat in adotna ah, “Bang ci bang in Pasian tawh kilem kik thei peuh mah ding ih hiam?” ci hi. Job 25:4. Mihing te natna khempeuh’ bulpi in, mawhna zung khakna ahi hi. Tua in Pasian kiang panin mite khenkhia a, cih mawhna sung ah Phumcip hi. Neurotic (Lungsim natna) vei atam pen in, lungnopna tawh a bawl Siavuante genna ah, mawhna hang a gimngahte ngen ahi uh hi.

Hun khat lai in hih lai gelpa zong Latin America ah zin in, tua “Dik kisak na” ngah nuam in khuk din’ aa, kipulaak numei pasal, amoi ahaamte lak ah kigual ngei hi. Mihing in tua dikna pen lampi nih tawh zong thei hi. Amasa in amah hanciam na thukham zuihna tawh Pasian’ deihsak na ngah ding in zong thei zel uh hi. Tua pen mite hih ngeina hi den hi. Ahih hang in tua pen Laisiangtho gen bang hi lo aa, thu bun zolo hi. A thunihna pen ih mawhna phawk aa, cimawhta kisa in Khris kigawhna leh Ama hong huhna ding muan’na tawh zong ta uh hi. Tua pen adik lampi khat bek a om Pasian kiang zuatna ahi hi.

Pasian mite zong khat veivei Laisiangtho sung thumaan aki tangsam pen khat mukhial thei zel uh hi. Tua in, “Ama mai ah kuamah in thukham zuihna hang tawh dikna ngah zolo hi.” cih thu ahi hi. Rom. 3:20.

Laodecea din’ mun pen ei leh ei dik gawp kisakna ahi hi. Mite in tapidaw dangte sang in ka hoih zaw khin hi, cihna lungsim nei in, Lai Siangtho thumaan a theihtelna ding uh ah khial in ngong gawp kha thei hi. Tua bang mite in Pharisee pa thugen tehna om bang in, “Ka hau hi, nate ka ngah hi, kisapna omlo hi”, a ci bang khat ahi hi. Topa dawnkikna ah, “Hehpihhuai na hih lam na ki thei kei hi. Ci mawh in, zawng lua in, mit taw in, aguak din’ na hi hi.” ci ding hi. Ka kiang pan Khris thumaanna dikna puanpak hong lei in ci-in sawl hi.

“Eite khempeuh in asiangtho lo ih hi aa, ei’ dikna a ih sehte puansia nin bang lel hi bek hi,” kam sangpa Isaiah in ci hi. Pasian’ maipha ngahna dingin mihing in bang mah bawl zolo hi. Mihing te bawl theih a om sun khat pen, ih guak din’ na maizumna pan Ama dikna tawh hong tuam sak dingin Khris belhna cih thu khat bek a om hi.

Gupna ih ngah nading a Pasian sehzia pen nung sang teh ih mu ding hi. Eite sepna tawh Pasian maipha kingah zolo, van-tung nate: manh tawh ih lei zawh hilo hi. Pasian sepzia in upna nei ih hih mana sawlmang, cih ciang te Pasian in ih sungah nasem ahihna dawkna hi pan bek hi. Tua tawntung nuntakna pen bel akicing Khris thumaanna um ih hih man bek bul phuh a, ei leh ei a ih ngah zawh loh thupha pen a khawn khonga hong piak ahi zaw hi.

Kamsangpa in, “Topa sungah nakpi in ka lungdam ding a, ka kha (nuntakna) in ka Pasian ah nuam a sa ding hi. Bang hang hiam cih leh, Pasian in gupkhiatna puan tawh hong tuam a, thumaanna puan hong khuh hi” ci hi. Isa. 61:10. Hih Khris sihna zal zo a, Ama kicin’ na eite hong tangsak in, mihing guak dinnate a itna puan tawh hong tuam ciang bek in Pasian muhna ah mihingte’ san’ theih ih suak bek hi. Khris thumaanna bek in, a gen tham dikna ahi hi.

Ahih hangin Khris in hih a nuai a thu nih omzia tawh tua puan paak hong pia thei bek hi.

Amaan kisik kikna ah tu’ ei leh ei mawhna dim, thanem, kilawm zo lo cih a ki phawktel ta, tua pen Laodecea tunga thupuak na ah, “Kisik kik un” a cih na pen ahi hi. Khris in, “Kisik kik un la, na ki hat saknate uh koih khia un, khalam khua valna te nusia un, Topa mai ah na lungsim uh balkeek unla, gupna suangpi tungah kinga un,” ci hi.

Khris thumaanna pen um ih hih man in hong huhna zia in a masa in ih tung ah hong tuam sak a, tua ahih ciang in Paul in,, “Thukham zuihna hang hi lo, upna neih hang zaw in a dik a bawl kik sakna kingah hi,” na ci hi. Rom. 3:28 Pasian lamlahna tawh upna hang a dikna ngahna pen hi bang in na ki gelh hi.

“Upna tungtawna dikna ih cih bang hiam? Pasian nasep hi aa, mihing sepna hang hilo (leivui sungah mihing minthan’na phah aa) mite a ding a hong bawlsak hi a, mihing in a bawl hi lo hi.” TM 456.