MONGOLIA
| February 15
Eegii
egii in Mongolia gam a SDA sang khat ah manglai hilhsia khat hi. Ama le amah
kipia in Pasian na’sem in a om nungak khat hi. “Koici bangin tu-a sang in a
hoihzaw-in Pasian itna ka gen khia thei ding hiam” ci-in a ngaih sunsun khat
hi. Kumte hong beitoto-in Eegii in Adventist sangte tawh kisai thu sinna zong
anei thei hi.
Tua
thu sin na tawl khat khit ciangin zo pah hi. Engii in kum tampi a sinbeh nuam
hi. Topa tungah thungen a, Adventist International Institute of Advanced
Studies (AIIAS) ah sangkah theih nading Topa tungah a ngen hi. Hih sangpi panin
Education tawh MA lukhu neelkai a ngah dong sangkah ding lung gulhna lianpi a
nei hi.
Tua
a lunggulhna thungetna bek tawh kalsuan in kum 10 sung tawntung thungetna a nei
den hi. Northern Asia-Pacific Division panin Eegii in huhna khat a ngah
ciangin, Pasian in ka thungetna hong dawng hi, ci-in genzawh loh phialin nuamna
tawh a kidim hi. Ahizongin tua huhna (scholar ship) koi bangin ngah thei ding,
koi bangin sangkah nading cing ding maw, cinglo ding bangmah a theicianlo hi.
Boader sapding, annek tuidawn ding, kisapna tuam tuam zong lung himawhna lianpi
a nei veve lai hi.
Pasal
nei-in kum nih a pha tapa khat zong nei ahih manun a pasal le a tapa nusia-in
tua bangin sangkah dingin paisan ding, kilawm salo banah nusia thei loding
dinmun hong om hi. Sang kah dingin Phillipine zuanin a pai nading vanlengsap
kisam lai lai hi. Eegii in a kitangsapna a ngah nadingin a pasal tawh thungen
tawntung hi. Upna bek mah siksan uh hi. A mawtaw le inn sung van zat tuamtuamte
zuak kipan uh hi. Tua bangin a sum ngah sunsunte kholkhol uh hi. Zan khat Eegii
in lungkham in a om laitak in, mang khat man hi.
Tua
mang sungah, kong khak neilo inn neu no khat sungah sungtum pusuakin a man lah
mahmah hi. Tua inn sungah thongkia bangin om hi. Tua ciang in khua sung
meileeng pai-na lam pi munkhat ah laidal khat mu hi. Tua laidal tungah “Pasian
in kong huh ding hi” cih lai kigelh a mu hi. Tua laidal tawi-in khua sungah a
vak kawikawi in, meileng lampi munkhat a tun ciangin thakhat thu in
lungkhamsa-in a khanglo kik hi. Ahi zongin tua laidal tunga kigelh “Pasian in
kong huh ding hi” cih thu mangngilhlo in, lungnopna khat a nei thei hi.
Nipi
khat khit ciangin Eegii in kikhawm dingin biakinn hongpai hi. Nidang in amuh
ngeiloh mite zong mu ahih manin a lungdam hi. Mawtaw koih na mun kimtengah
singkung khat mu hi. Tua singkung in a zung panin kizunglot khia hi. Eegii in a
ngaihsutna-ah “tua a mang sunga amuh singzung bang in khang toto ding cih” pen
a piang thei zolo dingin a ngaihsun hi. Thakhatin vantungmite in Mary tungah
“Mihing tawh a piang zolo thute Pasian tawh a piang thei hi,” ci-in pulaak hi
(Luke 1:37).
Tua
thu a zak ciangin Mary in “Pasian in na khempeuh sem thei ahihlam a phawk hi.
Eegii in singtung a om a cell phone a lakik hi. Biakinn a kikhawm a lawmte
hopih thei pah hi. A innkuan un Philippine-ah sangkah dingin a pai thei ding uh
hong suak hi. A lametna bangin a piang takpi hi. Kha khat khit ciangin Eegii in
vanleng letmat lei thei-in Mongolia panin Philippine va tung thei uh hi.
Vanleng
tawh nai 6 bang a len’khit uh ciangin Turkey gam va tung uh a, Turkey gam ah a
sanggamte kiangah zong tawm vei sung a baang man uh hi. AIIAS Sangpi a va tun
khit uh ciangin lawm le gual ding neilo ahih manin amah guak bek hi phot hi.
Tua laitakin hun khatlai-a a mangmat a phawkkik thei hi. Pasian in a tang’sapna
khempeuh sik thei ahihlam zong a thei hi. Concrete sual nuai panin singkung po
khia thei ding ahihna zong a um hi. Thu ngenngen a, kha nih khit ciangin a
pasal le a vante uh hong tung thei hi. A pasal in a vante uh zuak theih dingte
zuakin a ta nihte tawh AIIAS hong tung uh hi.
Tu
in a innkuanun AIIAS sangkahin a om uh hi. Eegii in education tawh MA a sin
laitak hi. A ngimna a lunggulh nate tangtung ahih manin Topa tungah a lungdamna
lian mahmah hi. A piang theilo ding tawh a kibat hangin Pasian a muanna tawh
kalsuan in a om ciangin Topa in a tangtungsak veve hi. A sangkah a zawh khit
ciangin innlam ciah ding bek a ngak ta uh hi. “Hamsatna khatpeuh i tuah ciangin
Topa mah i mitsuan ding kisam hi.
Tua
bang hun ciangin upna tawh kalsuan ding kisam hi. “Israel mite in Egypt panin a
paikhiat uh ciangin San Tuipi kan tan ding hita uh hi. Mihingte muh na-ah a
piang theilo ding tawh kibang hi. Topa upna tawh kalsuan ahih manun Topa in a
lamdang takin San Tuipi a kantanpih hi. Eegii aa dingin Tusgal Sang a
laihilhsiate aa dingin thungetna kisam hi.
Tu
quarter Sabbath 13na sumpi in Mongolia gam a om Seventh-day Adventist Sangah
kipuak ding hi. Laibu saal lam nading le sangnaupangte giah nading inn lam
nadingin kizang ding hi.
