MONGOLIA
| February 8
Bold Batsukh mericante in biak inn ah kikhawm loin, Mongolia khua pi Ulaanbatar inn sung khat ah biakpiakna nei uh hi. Bold in a sanggamte tawh biakpiakna nei dingin Americante kikhopna ah va pai zelzel uh hi. Hih bang kikhopnate Bold in lamdangsa hi. Kikhawm mi 20 pha uh hi; ki-um liiliau uh hi.
Labute
tawi-in lasakna nei uh hi. Lamalte in Bold lungsim lawngkha hi. Bold in tua
kisate a zaza nuam hi. A theih zawh loh thu pawlkhat a zak ciangin lamdangsa-in
a om hi. Hih kikhawm mite in bang hangin “Hosana” ci uh hiam? ci-in a khiat na
theilo ahih manin a lungmang hi. Amai zum manin labu khat la in a mai selna-in
nei hi. La a sak khit uh ciangin Sabbath School hun, Lai Sangtho thusinna-ah
pai dingin kisawl hi. Tua hun ah Nebuchadnezzar kumpipa mang mat thu, Daniel 2
sunga kigelhte a pulaak uh hi. Bold in tua thute a zak ciangin lamdangsa-in
dotnop hau semsem a, kuamah dong ngam tuanlo hi.
Tua
khit ciangin tua mite in thu hilhna khat nei uh hi. Bold in tua kigen thute
atel’ khat zong omlo hi. Tua thugen siapa in Mangmuhna bu sunga genkholhna
thute, limciinna tuamtuamte in bang deihna nei hi ding hiam, ci in Bold in a
ngaihsun zolo hi. Thuhilh siapa in “Zeisu hongpai baih tading” ahihna pulaak
hi. Bold in Zeisu in koi-ah pai a, hong paikik ding, a kigen thute in bang
deihna hiding hiam, a ci hi. Suun an neek khitciangin inn ah kikhopna khat
neikik uh hi.
Tagah
naupang hon khat kikhopna khat zong hong suak hi. Naupangno te’n a kimawlpih
ding uh van le nate kipia hi. Tua ni zanin Bold in lungnopna tak tawh inn lam
va ciah hi. “American mite makaihna sungah ka om nuam hi; amaute thugen ka ngai
nuam hi. Amau cih bangbangin ka nungta nuam hi,” ci in Bold in a khensat hi.
Sabbath ni a tun kik ding ngaklah hi. Sabbath ni kikhop khit ciangin Bold in
Americate tawh tukhawm in amau thugente ngai ngai nuam hi.
American
mite in Lai Siangtho siksan in hotkhiatna thute gen in Piancil pan Mangmuhna
dongin Lai Siangtho buppi a banbanin a gen uh hi. Bold in za ngeilo ahih manin
tu in piansakna panin gupna thute a zak ciangin zaknopsa hi. Bold in kum 2 a
phak a kipan Mongolia biakna sia khat thuhilhnate zong ngai thei zel hi. Tua
siapa in nuntak na koi pan hong kipan cih gen theilo hi. America thuhilh siapa
in mihing in leivui panin hong kibawl a hih na a gen ciangin Lai Siangtho thu
theinuam semsem hi. America thuhilh siapa in piansakna thute a gen ciangin Bold
in dotnop thu tampi nei a, America mipa Lai Siangtho siksanin gen hi. America
mite in missionary sem dingin Mongolia ah zin kawikawi uh hi. Hih American
Russia lai tawh kigelh Lai Siangtho bu panin zong thuhilhna nei uh hi.
Thuciam
Thak bek Mongolia le Russia pau tawh kigelh om pan hi. Bold in Russian tawh
kigelh Lai Siangtho bu a sim hi. Lai Siangtho bu a sim theih a kipan cikmah
hunin aneih ngeiloh lungnopna khamuanna ngahtheihi. Sabbath thum vei a zatna
ah, missionary khat in “Bang hangin Thuciam Lui simlo ding na hiam? ci-in dong
hi. Tua dotna hangin Bold in midangte tungah Lai Siangtho hilh dingin kicing
kisa nailo hi. America pa in “Pha mawh kei. Na theih bangbang mite tung ah hilh
in” ci-in hanthawn hi. Bold in midangte tungah Lai Siangtho hilh ding hong
kipan hi.
Russia
Lai Siangtho a sinna pan in ama pau tawh gelhkhia kik hi. Friday ni hong tun
ciangin Bold in tua missionaryte inn ah vahawh hi. A Sabbath kik ciangin Russia
tawh kigelh tua Lai Siangtho bu a zat nopna thu pulaak hi. Inn ah Bold in Lai
Siangtho sim den hi. Pasian le Satan om takpi ahihlam; Satan in Gulpi kineihin
mawhna le sihna hong tun ahihna thute a thei hi. Pian. 3 sunga kigelh thute a
ban banin sim toto a, mawhna le sihna honglut hangin tawntung sih nading panin
suahtak nading lampi Topa in hong bawlsakna thu cihte zong a mu thei hi. Mawhna
hangin sihna hongtung a, sihna in na khempeuhte beina hilo hi, cih mu thei hi.
Zeisu
sungah upna a nei mite in tawntung sih na ding panin suahtakna ngah in, tawn
tung nunna sungah lut thei uh hi (John 3:16), “Pasian in leitung hong it ahih
manin a tapa khat neihsun a hongpiak dongin leitung mite a itna honglak hi. Tua
Tapa a um mite in kisialo-in tawn tung nunna a ngah thei uh hi.” Bold in zong a
lungsim nuntakna khem peuh Zeisu tungah a kipia pah hi. Bold in Mongolia gam a
om Adventist Pawlpi makai khatin om a, Mongolia gam ah Adventist pastor masa
pen bek thamlo-in ordain minister masa pen ahi hi.
Mangpau
lim takin pau thei mi khat hong suak hi. “Kei hong piang sakpa bek thamlo-in na
khempeuh a piangsakpa ahihna thu Lai Siangtho tungtawnin ka thei hi. Mawhna
honglut khitciangin mawh nei mite hong hotkhiat nadingin Pasian in lampi hong
bawlsak khin ahihna thu zong a hilh hi” a ci hi.
Tu
quarter Sabbath 13 sumpi in Mongolia khuapi Ulaanbaatar khua pi ah naupangte
pantahna phualpi khat kilamding hi.
