SOUTH
KOREA | March 1
Academy
Missionary Movement South Korea
Korea pan in Korea thu-um mi pawl khat missionary ding in Philippine gamah vapai uh hi. Tua bangin Philippine ah a om laitakun huihpi hat mahmah khat a tuak kha uh hi. Kum 14 panin 17 ciang khangnote hon khat in tua bangin missionary Pasian na sem dingin a kipia khia khangnote ahi uh hi. Kum khat sung nasem dingin a kuan khia ahi uh hi. Amau kipawlna min in “Academy Missionary Move ment” ci uh hi. Kuamah in gospel thu a gen ngei nai lohna munte ah tua bangin va pai uh hi, hothiatna thu a tangko kawikawi uh hi. Tua bangin a pai-na vuah Korea panin pastor khat in amaute a makaih hi.
A
thugen kipat nitak masa penin tua bangin thugen laitakin huihpi hat mahmah hong
nung hi. A geelna khempeuh uh zang thei lo suak uh hi. Khangno 11 khawng in
leilak ah zan giak uh hi. Numei 8 khawng in sual gina mel lo mun khatah a giak
thei sam uh hi. Khua phia-in huihpi nung, guah zong tam mahmah hi. Biakinn a
lam uh kizo siang nai lo ahih manin kongkhak zong kibawl nailo hi. Zan giah
nading bukno khawng bek om hi. Tang valte giahna mun guah zu-in huih pi nung
ahih manin nuamtakin ihmu theilo uh hi. A tun ni zan uh ahih manin lungkia thei
mahmah uh hi. Tua ciangin Korea pastor in khangnote phong hi. “Huihpi nun hat
semsem hi,” ci-in giah buka lum khangno nihte tungah a pulaak hi. “Tho-in thu i
nget kul ding hi,” kici uh hi.
A
gei lum khangnote tungah zong va gen dingin pastor in a sawl hi. Tua bangin a
banbanin kigen uh a, thunget khopna khat a nei uh hi. Tawl khat khit ciangin
mun khatah hong kikaikhawm thei uh hi. A omna inn uh a puk ding bangin killing
gawp a, ahi zongin bangmah ci buang lo bilbel hi. Tua zahin a lauhuai huihpi
nung kuamah in a thuak ngei kei uh hi. Zingsang nai 4 khawng bek hi pan hi.
Khuk
dinin thunget kipan uh hi. Nai nih sung tua bangin huihpi nun khawl nading a
ngen ngen uh hi. Pastor in khangnote mawhna a mai nadingin thu a ngen hi. Ei
lakah Pasian deih loh gamtatna a nei omkha hiding hi hang, kici uh hi. Pastor
in tua bangin thu a nget sungin khangno teng in Pasian phatna la a sa uh hi.
Tua bangin lasak khit ciangin pastor in hanthotna tomno khat a nei hi. Zingsang
nai 6 pawl ciangin huihpi kipan hi. Pastor in khang note tungah lupna lam zuan
ding in a pulaak hi. Tua tuikulh tungah a giah masak zan uh hi-in, gim khin,
tawl khin a hih manun tawlnga hithiat dingin a pulaak hi. Ni sang to semsemin
nai 9 pawl ciangin a vekun tho khin ta uh hi.
Tua
huihpi nunna hangin tua nipi kaal sung a tawlnga phot uh hi. Mission nasem pai
uh ahih bangmahin tua hun sung teng thungetna-in a zang thei uh hi. Thungetzia
ding kihilh khin, hamsatna khat peuh a tuah uh ciangin kalsuanzia ding cihte
kihilh khin ahih manun bangmah patauhna nei nawnlo uh hi. Khangno lai ahih
hangun hamsat na khat a tuah uh ciangin Topa mah a ko tangtang thei uh hi.
A
mangthang mite in hotkhiatna sung a lut zawh nadingun lamhilh nasemte a suak
thei uh hi. Khat veivei ciangin nih le thum kipawlin thungen khawm thei zel uh
hi. Tua khua sung mite tawh zong thungen khawm thei zel uh hi. A gam vua
nuamtakin om theih bang nawn lo-in hamsatna tuamtuam thuak uh hi mah taleh Topa
aa dingin sepnate manphasa thei mahmah uh hi. Hih khua mite in dailenbuk nei
lo-in dailen ciangin tupek khat tawi uh a, lei to tawmin tua bangin daileng uh
hi. Ahi zongin Korea gam panin hong pai khangnote in daileenna nuamsa khol lo
uh hi.
Ahi
zongin kuamah a phun om lo uh hi. Sabbath nitak lam ciangin a kizo nai lo
biakinn gei khatah thungen khawm thei zel uh hi. Tua bangin thungen khawm bek
tham lo, Lai SIangtho thuthukte zong kikum khawm thei uh hi. A khualzinna uh a
hun bei-in, tua khua mite tawh Lai SIangtho thusinna nei khawm uh a, Pasian
thugenna kizawh ciangin mi 7 in tui kiphumna nei hi. Tua bangin a nuntakna Topa
tungah kipia-in tui kiphum mite amuh uh ciangin hih khangnote lungkim mahmah uh
hi.
Korea
gamah hong ciah kik uh a, a khualzinna uh lawhcingsa mahmah uh hi. Tu quarter
Sabbath 13na sumpi in Korea gam a Hankook Sahmyook Academy ah kipuak ding hi.
Hih sangpi panin khangno tampi in missionary dingin thusinna nei uh hi.
