SOUTH
KOREA | March 8
Jin-seok in-seok in kum 2 a phakin a pa in sih san hi. A pa phawk na bangmah nei manlo hi. A pa in Seventh-day Adventist pastor khat hi-in, a nu in ahihleh inn nasem khat hi. Jin-seok le a sanggampa a nu tawh khangkhia uh hi. A nu in thu upna-ah etteh thamcing mah mah khat a suak hi. A nungak dong SDA upna sungah a khang toto hi. Jin-seok in ama nuntak khua sak nading ngaihsut hong kipan hi; Pasian omlo hi, cih upna hong pom hi. Ama ngaihsutna-ah Pasian a om takpi hileh bang hangin Pasian in ka pa si sak baih hi ding hiam? ci hi. “Topa aw, om takpi mah na hihleh kei zong hong that in! Tagahin ka nungta nuam kei hi’ ci-in Pasian uplahna hong nei hi.
Kum
15 a phak ciangin Jin seok in thu theihna hau mahmah khin hi. A innkuan un
biakpiakna a neih uh ciangin Jin-Seok dingto a a khut a tawi Lai Siangtho bu
tum nih suah hi. “Nu aw, Pasian thu hong gen nawn kei in. Pasian kici omlo hi,”
a ci hi. A sangkah zong kah nawn lo-in sang khawl in a inn panun khualzin
dingin hongpai khia hi. Kum 10 sung vilvel Jin-Seok in guih theih kham theih
tawh kidiah in a ut bangin gamta hi.
A
lawm a gual tawh leitung nopsakna sung ah kibualin Khristian thu zui kici mite
muhdahna lian semsem hi; a diakdiakin SDA thu zui mite a pum muhdah hi. Ni khat
SDA university sang huang sungah vavak uh hi. Sahmyook University sangah sang
kah a lawmte khat tawh hih sangah va hawh uh hi. A lawmpa ngakin a om laitakin
zatep nopna lian lua ahih manin mun khatah zatep dingin vapai hi.
SDA
university huang sungah kuamah in zatep ding kiphal lo hi. Mi’ muhloh nading
mun khat zong in, a tawpna-ah sawlbawk tamna, singkung lian pipi omna mun khat
va tung hi. Singkung nuai mun khat ah zatepin a kim a paam khuadak kawikawi-in
om a, suang tung khatah lai kigelh khat amu hi. University sangnaupangte thu
ngetna huan sung khatah om ahih lam a kithei hi. Tha khatin a pa nunzia a phawk
vat in, a pa pastor a sep nading in hih university ah Lai Siangtho thuthuk sin
in a kah ngei khat hi. “Ka pa in hih mun tengah thungetna nei hamtang ding hi”
ci- in hong ngaihsun hi.
Jin-seok
in a nu a phawk in, a nu in ama aa ding deihsakna tawh thungen in a om hunte a
phawk kik thei hi. Kum nih a pakin a nu in kum 25 cing khin a, natna khat hangin
si dektakin gim a, dahna tawh kidimin om ngei in, a pa in nusia khin sawnsawn
ahih manin a lungneu ngei mahmah hi. “Hih bang tawh nungta zo kei ning” ci in
hin’gim kisa mahmah hi. Jin-seok in a nu hong hehpih thei ta hi. Ka nu meigong
khat hi in, tapa nih hong neih tun khat bek tawh om, ci-in a nu hong phawk
semsem hi. Ka nu lungtang a na’ sak ka suak hi; tu-in ka nu in hong nusia baih
ta ding hi, ci-in a nu phawk mahmah hi. A khitui hong khia-in university sang
naupangte thungetna munah amah zong khuk din hi.
A
khut ah zatep tawi kawm sa-in thungen dingin hong kipan hi. A suah zawh a
khatvei-na thu ngen ding hong kipan hi. “Topa Pasian, a om takpi na hihleh hong
huh in” ci-in thu a ngen hi. “Nong hehpihna tawh ka nu hong huh in. Ka lungtang
kong pia hi. Ka nuntakna kong ki-ap hi,” ci in Topa tungah a nuntakna a kipia
hi. Inn hong ciah in, a nu zong a natna panin damna ngah amuh ciangin lungdam
mahmah uh hi. Jin-seok in a kamciam bangin a tangtun ding a hanciam hi.
A
pa bang mahin pastor sem dingin a nuntakna hong kipia hi. A pa bang mahin
Sahmyook University ah Lai Siangtho thuthuk sinna a neih khit ciangin lukhu
neelkai hong ngah hi. A pa bangmahin pastor sem dingin hong kipan hi. A tapa
kikhel amuh ciangin a nu zong lungdam lua hi. Jin-seok in zi nei-in, tanu khat
a nei hi. A nupa-un tagah 4 keem uh hi. A pa lo tawh a khangkhia ahih manin tua
tagah 4te hehpih mah mah hi. Tu-in Jin-seok in Seoul khuapi mun khatah pastor a
sem hi. A tagah kepte in Jin-seok it mah mah uh hi. Tagahte in leitungah pa cih
ding nei nawnlo uh himah taleh vantung ah “Pa” khat nei a hihlam a hilh hi.
I
pianna leitung pate sangin vantung i Pa hong itna in lianzaw tham hi. Tua tagah
4 a kepte tu-in tui kiphum khinta hi. Jin-seok in SDA sang ah kah sak hi, ni
khat ni ciangin Pasian nasem dingin lametna lianpi a nei hi. Jin-Seok in hih
bang hamsat nate zozo kei ning” ci-in hamsatna a thuakte a mangngilh ngei kei
hi. Ahi zongin tua bang hamsatnate panin Pasian ompihna tawh zawh na ngah in
tu-in Pasian nasem khat suak thei ahihna Pasian ompihna a pulaak thei hi.
Zeisu
hongpai baih ding a lunggulh mah mah hi. Zeisu hong pai ciangin a pa tawh kimuh
ding a ngaklah mahmah hi. Tuquarter Sabbath 13na sumpi in Korea gam a om
Sahmyook Academy ah kipuak ding hi. Hih sangah Jin-seok in a tagahkepte sang a
kahsak hi. Amau bek hilo in naupang tampi in Pasian nasem dingin kipantahna
sanginn lian khat ahi hi.
