ZATO
IN NUNZIA KHEL
ZAMBIA
| Sept 20 Chitanda Lumamba
Chitanda Lumamba Adventist Zato in Zambia gam khuano khatah om hi. Hih khua mite in lokho singpua mi vive hi. Tua hi-in sum le paai hau kuamah om lo uh hi. Nek tawm zong vive hi mai uh hi. Khua no khat ahihna tawh kizui-in khangnote in zu dawm uh a, khangno lai pipi mah zi nei pasal nei tam uh hi. Mawtaw, cycle cihte om lo ahih manin a painopna mun vuah khe mah tawh pai tangtang uh hi.
Adventist zato kilam ma-in hih khua mite in
khe tawh khua dang khatah cinate kilahna khat om a, tua khua va zuan uh
hi. A taktakin zato khat in cina pua
mawtaw neih ding kilawm buangsam hi. Hih khuano tampite in tua bangin kikawmna
hoih lohna hangin cinatna a tuah uh ciangin genthei mahmah uh hi. Khua 5, khua
6 bang kipawl uh a, cina pua mawtaw khat bang a nei zo sam uh hi. Tua cina pua
mawtaw in a cina khempeuh pua zo hi. A
dam lo khat a om ciangin khe tawh zato va zuan uh a, zato ah kibawl khit
ciangin damin inn ciahdingte in mawtaw sap pia-in mawtaw tawh inn ciah thei bek
uh hi. Zato nai penpen in tai 90 bang pha
hi. Khat veivei ciangin cina mawtaw awng lo thei zel hi. Na kikhaam khin
leh kingah nawn lo ahih manin cinate genthei mahmah uh hi. Khat veivei ciangin
ni khat thapaai bang ngak kul hun om thei hi. Tua hi-in cinate in khe tawh nai
60 bang lam pai-in zato zuan nuam zaw uh hi. Hih SDA zato kihon ma-in nausuak ding nupi khat in cina mawtaw sam a,
a mawtaw awng lo ahih manin zato tung
man lo-in nausuak nupi zong tampi om khin hi. Ahi zongin tu-in Adventist zato
khat a om manin khua sung mi tampi in phattuam pih mahmah uh hi. Khat vei nupi nausuak ding khat in bawngleng
tuangin zato hong zuan ngei hi. A
innpihte le sanggamte mi 6 bang in zui ngeingai uh hi. Zambia gam ah cina khat
a om ciangin a innkuanpihte in zong zui ngeingai uh hi. Zato ah cinate omna in
neu-in cinate banah a sanggamte, innkuanpihte tawh zato inn sung mi dim thei
zel hi. Tu-in cina khat peuh in nuam takin SDA zato zuan thei ta uh hi. A
diakdiakin naupaai-a nausuak dingte adingin nuamna lianpi kimu thei hi. Hih
zato inn a omna hangin khua sung mite banah khuakim khua paam panin mi tampi in zong hamphat lawh mahmah uh
hi. “Hih SDA zato in thupha lianpi bawl hi. Hih zato omna hangin ka lungdam
mahmah uh hi,” ci-in a pulaak mi tampi om hi.
Hih
zato-ah kha khatin nau suak 200 val den hi. Naupang kum 5 a pha khat a khe
ki-at kul ahih manin hih zato ah nuam takin lum thei hithiat hi. “HIh zato inn in zato dangte tawh kibang
lo hi; siavuan siamahte in cinate tungah hehpihna lungsim lianpi nei uh a, kibawl nading sum nei lote zong ciahsak lo-in
zatui zaha pia veve uh hi. Hih zato panin cina tampi in damna ngahin inn zuan
kik thei uh hi.
Chitanda Lumamba Adventist Zato in mi tampi
adingin damna zato lianpi khat hi.Khua sung khua pua panin mi tampi in nopna,
damna amu theihna zato khat hi. Tu-in hih zato inn in anhuan nading le puansawpna ding kisam mahmah uh hi.
Puansawpna pen khut mah tawh sawp a , a keusak nading set kisam hi. Hih zato in
Northern Zambia Union Conference nuai-a kihong hi.
Tu
quarter Sabbath school 13na sumpi in Chitanda Lumamba Adventist Zato puah
nadingin kipuak ding hi.
Mai Sabbath in quarter cin
Sabbath 13na ahih manin sumpi khiat ngei zah thum khia ciat dingin a kihanthawn
nuam hi
