TUAHSIATNA
PAN HAMPHATNA
13th
SABBATH | September 27 | Emmanuel
Emmanuel Mwewa in Bangweulu kici bual tungah tam veipi kunkuang neu hotin kim kotkot hi. Hih bual tungah kunkuang tampi om a, mi 100,000 val bangin sum muhna-in nei uh hi. Zambia gam mi tampite in gunkuang tawh nekzong uh hi. Emmanuel in Adventist pastor khat ahih bangmahin nipi khatin thu -um mi 1,300 val bang tungah thu hilhna anei den hi. Hih bual kim ah tuikulh neu nono zong tampi om a, a kunkuang mah tawh va pai kawikawi thei hi. Hih tuikulh kim Tengah SDA biakinn 10 val bang om ding hi. Hih bual sungah gunkuang khat kibung a, mi 14 SDA pawlpite sihvui-na a nei uh hi.
“Siluang bekbek 14 mai-ah a din ciangin a khitui
luang khaam zo lo hi. Kumpi lampan hi taleh pawlpi biakna lam pan makaite hi
taleh sigalin hong pai ciat uh hi. HIh bang tuahsiatna in supna lianpi khat hi.
Hih a tuahsiatni uh pen Friday ni hi-in, gunkuang tungah Adventist thu-um mi 24
tuang uh a, gunkuang dang khat tawh kiphu khakna pan gunkuang tum hi. Hih
Adventist pastor in tua Sabbath ni-in hih tuikulhte-ah pai-in biakpiakna
neihpih ding cih geelna nei hi. Ama pai tawh kituakin hih sivui-na ah a va
kihel thei suak hi. Bek tham lo-in Pathfinder khangno pawipi khat zong nei
dingin geelna nei uh hi. Tha khat thu-in tua bual tungah huih hat mahmah hong
nung hi. Huihpi nunna hangin tuihual lianpi khat a tuak kha uh hi. Tua tuihual
in gunkuang sukha ahih manin gunkuang tui sungah tumsuk hi. A suakta thei mi 28
khawng kimu hi. A dang mi 14te a luang bek kimu hi. Tuate
lakah kum 2 a pha pan naupangno khat zong kihel hi. Hih tuahsiatna thu Zambia
gam sung khempeuhah kizel mang hi. Hih bang thupiang hangin mi tampi in
gunkuang tawh khualzinna lungmuan om nawn lo hi, cih ngaihsun ciat uh hi. Kumpi
gunkuang lo buang muanhuai lo hi, kici tek hi. Hih sihvui-na ah kumpi makai
tampi zong kihel uh hi. Tua makaite khat in SDA pawlpi makaite tungah thuumna
khat a nei hi. Hih bang tuahsiatna a om nawn loh nadingin i dal kul hi, ci-in
pulaakna a nei hi. Kumpi in gunkuang vaihawmsak ding a, pawlpi in
zong vaihawm leh hoih ding hi, ci-in pulaakna a
nei hi. Northern
Zambia Union Conference nuai-a om hih tuikulh le bual in pawlpi adingin zong
Pasian nasep theihna lianpi khat hong suak thei hi. “Tua hi-in Northern Zambia
Union Conference in gunkuang ahih keileh tembaw, khualzinna-ah kizang thei ding
khat neih ding hoihsa mahmah uh hi. Ahi zongin tua bangin gunkuang, ahi-a,
tembaw ahi zongin khat ciangin US $ 100000 bang bei ding hi. Pawlpi in lah tua
zah sum nei lo ahih manun leitungbup pawlpi mite tungah huhna ngen dingin a
pulaak uh hi. Tua hi-in
Tu
quarter Sabbath School 13na sumpi in Zambia gam sung pawlpi nasepna huh
nadingin kipuak ding hi. Nung Sabbath ni-a i kizaksakna om bangin tu Sabbath in
quarter cin Sabbath hi-a, sumpi khiat ngei a zah thum khia ciat dingin khat vei
a kihanthawn kik ihi hi.
Topa
in na piakna zui-in thupha hong dinkik zaw ta hen.
