13th
SABBATH | March 29
Hyun-hee yun-hee a neu tung a kipan in Sabbath hong tun simin biakinn ah kikhop ding lawp mahmah hi. A pa in South Korea gam a pastor sem khat hi. A inn ah om theilo-in a kisapna bangbang a sem zo kei hi. Hyun-hee in a kikhop hangin a pawlpi mite omzia thangah lo hi. Pastor khat tanu khat ahih hangin tua bang lungsim puak a nei hi. A pa in zan kim dongin phone tawh kiho hi den hi. A awl ni omlo phial in manlah den hi. Sunday, Sabbath ni ciangin zong manlah hiden hi.
A
innkuan un hun awng khual zin ding tawh buai tingteng den uh hi; pawlpi mite
khat in nusia-in pai loh phamawh ahih manin sigal dingin a vaihawm hi. Tua
bangin pawlpi mite a sih ciangin a upna tawh kisai ngaihsut tampi a nei hi. Kum
16 a cin ciangin sangkah dingin Adventist high school khat ah vakah hi. Inn pan
in khual ah a om cil ahih manin a lungleng mah mah hi. A khuavuah pawl sang om
lo ahih manin a khua panin gamla pi-ah sangkahin a om kul hi. Tua bangin
Adventist Sang a tuncilin kumpi sangte mah tawh kilamdanna mulo hi. Ahi zongin
pawl sangah zingsang le nitak sial in biakpiakna hun nei tangtang uh hi.
Zingsang biakpiakna hun ah Hyun-hee in “Khukdin pawl” cih khat a kipulaak a za
hi. Hih in bang tawh kisai hi peuh mah ding hiam, ci-in a theihnopna lian
semsem hi. A lawmte a dot ciangin hih “Khuk din pawl” cih in sang naupangte
pawlkhat kipawl in thungen khawm sang naupang kipawlna ahihlam a thei hi. Amau
thungetna mun in Conference Zum inn sung khat hi.
Hih Zum inn sung gol mawh lo khat ahih manin
Sabbath ni ciangin zong biakpiak na munin a zang thei uh hi. Sangnaupang 30
bang a pha thei uh hi. Tangval khat in piano tumin om hi. Biakinn ah a kikhop
hangin lasa ngeilo hi. Hyun-hee, amah guak bek nungak hi-in, kikholhpih ding
neilo ahih manin kikhop nuamsalo hi. A kim a paam mite a et ciangin nakpipi-in
phatna lasa amuh ciangin aman zong lawpna a ngah thei hi. Tua bangin phatna la
a sak ciangin lungnopna khat a ngah theih lam a phawk hi. Tawp na la kisak ciangin
khangnote in khukdin uh a, thungetna a nei uh hi. Hyun-hee in tua bangin midang
te in phatna lasa-in teci panna tuamtuam a neih amuh a zak ciang in amah mah in
zong lawpna khat a ngah thei hi.
A
ngaihsutna-ah “midangte in ahihleh Pasian huhna tampi ngah uh a, a gen ding uh
hau hi; kei ka hihleh tua bangin teci pan ding bangmah ka thei kei hi,” ci-in a
ngaihsun hi. Kikhop hun sung nai tampi sung ahih hangin kikhawm mite in nuamsa
thei mahmah uh hi. Hyun hee ngaihsutna-ah “hih mite in Pasian thu um mahmah uh
hi; Ama sungah lungnopna, khamuan na nei uh hi,” ci-in a ngaihsun hi. A
kikholhpih mite lawpna amuhna hangin Hyun-hee zong lawpna khat a neihlam a
kithei hi. Sabbath ni hong tun kik ding a ngak lah mahmah hi. Hun-hee in hih
“Khukdin kipawlna” tawh kimu zelzel a, amau tawh thungen khawmin a hun zatte uh
nuamsa mahmah hi. Amau tawh thu a nget ciangin sawtpipi hun a bei hangin nuamsa
mahmah hi. Pasian ompihna ahih lam zong a phawk hi. Zeisu in singlamteh tung a
hong sihna thute a ngaihsut khak ciangin Hyun-hee in a khitui luang hi.
Hamsatna tuamtuam a tuah hangin thungetna tawh kalsuan ahih manin zawhna a ngah
veve thei hi.
Sangnaupang
te nasepna tuamtuamte-ah zong kihel thei kawikawi-in a om hi. Lai Siangtho
thusinpihna, thunget khopna cihte-ah amah zong va kihel thei hi. Tua bangin a
hun zat nate a mawkna ahihloh lam thei-in manphasa mahmah hi. A sang kah na-ah
kum khat khit ciangin Hyun-hee in biakna hunte nuamsa semsemin aom hi. Thunget
kikhop nate, biakpiak nate-ah zong kihel thei-in Pasian thu a lunggulh zaw
semsem thei hi. Philippians 4:4–7 pulaak thu a deihpha mahmah hi. Paul in” Topa
sungah lungdam tawntung un. Kong ci kikkik hi. Na lungdamna tawh Topa kiang
zuan unla, na lunghimawhna khat peuh a om ciangin Ama tungah ko un. Amah in
note hong ompih ding hi. Na kisapna khempeuh Topa tungah suankhia un.” Hih
sangah a kah theihna in Pasian lamlahna ahihlam a phawk thei hi. “Pasian in ka
uplahnate hong mu hi. Ama deihna bangin nuntakna in ka tel theita hi” ci-in a
pulaak hi. Hih pawlsang ka kahna tungtawnin Pasian thuman ka mu tel hi.
Hyun-hee in tu-in Hankook Sahmyok Academy ah laisinin a om hi. Tu quarter
Sabbath 13 sumpi in Hankook Sahmyok Academy kipuak ding a, gym le a kisam
tuamtuam inn lam nadingin kizeek ding hi.
Nung
Sabbath a kizaksak bang in tu Sabbath in quarter cin Sabbath 13na ahih manin
khiat ngei sumpi a zah thum khia ciat ni. Topa’n a zah tampi tawh hong din’ kik
zaw tahen.
