SOUTH
KOREA | March 22
Philip hilip vanleng tung panin ong pusuak khia hi. Amah pen Atlanta lamah khualzin hi. Khuapi te-ah Pasian nasem dingin khensat na a nei khat hi. Kha thum sung Korea gam sungah nasem dingin kipia hi. Kum 23 pha pan himah taleh sep le bawl ding tampi nei hi. A sep sungin mundang pan gam beelin a om mite lakah nasem hi.
Sabbath
ni khat naupangte ma kaih dingin kiseh hi. Tua bangin a sepna panin ni khat
buai-na a om pih a giahpih mi khat tawh buai-na khat hong nei hi. Philip in a
mipih Korea pawlkhat tawh missionary dingin hong pai uh ahi hi. Mi nihta
kipawlin nasem uh hi. Philip in Samuel tawh nasem khawm uh hi. Samuel in kum 20
khangno khat hi.
A
nihun inn khat saap uh hi. Hun khat ciangin Philip in a innsap pih pa tawh
buai-na khat hong tuak hi. Samuel pen kampau manlang lo-in damdam in a pau hiat
hiat khat hi. Philip in Samuel tungah “Bang hangin nawh pau lo na hiam? “ci-in
dong hi. A lawmta-un kilungtuak mel lo-in hong om uh hi. A an nek uh bel tam
man khol lo hi. Sabbath ni ciangin Korea innkuan khat tawh anne khawm thei zel
uh hi. Ni khat Samuel in Korea an, a zanni -a a cianlaite ne dingin sahsuah hi.
Tua
bangin a sahsuahna-ah kaangsak kha ahih manin Philip a hehsuak hi. A nek ding
uh a satsuahna tawh kizomin kam kinial uh hi. Philip heh semsem ahih manin
Samuel tungah bangmah pau nawnlo hi. Heh semsem himah taleh bang mah a paupihse
kei hi. Samuel in zong bangmah gen tuanlo hi. US a tun zawh kha khat khit
ciangin gam beel a om mi pawlkhat tawh thunget khopna khat nei uh hi. Tua ma-in
Samuel le Philip in thu a ngen khawm ngei kei uh hi. Ahi zongin tua hun a kipan
a nih un thungen khawm uh hi. “Topa aw, hong hehpih in. Philip tungah ka
hehnate a bei siang zawh nadingin hong huh in” ci-in Samuel in thungen hi. A
thu nget Philip in thei hi. Tua bangin a lawm in a thunget a theih ciangin
Philip in lungkimlo hi. A zing ciangin thungen kik uh hi.
A
nih un thunget khop uh hangin a kiho loh uh a kha bangin hongpai toto hi. A nih
un omkhawm toto uh a, Philip in mawtaw hawlin Samuel in a gei-a tu hi. A nihun
gim tuak ahih manun tawl khat khawlin ihmu uh hi. A khanlawh uh ciangin a kim a
paam teng ah singteh tampi tak om a mu uh hi. Mawtaw maan zong kitam gawp a mu
uh hi. A mai vuah van pua mawtaw lianpi khat hongpai-in tua mawtaw pi tawh
kitaih kha uh hi. Ahi zong in Sameul le Philip in bangmah ci lo bilbel hi.
Vanpua mawtawpi hawlpa zong bangmah liamna ngahlo hi.
A
mawtawte ahihleh zat theih ding hi nawnlo-in kisia gawp hi. Inn a tun uh
ciangun a nih un kikawi uh a, Topa tungah lungdam kohna a nei khawm uh hi.
Philip a maizum hi. Pasian nasem dingin USA gam ah pai-in, ama nopsak nading
bek ultung sak lua kha ahihlam kiphawk hi. Hih thu hangin Samuel tawh kiho thei
lo uh ahihlam a kiphawk thei hi. Tu-in mawtaw tuahsiatna panin a nihun hong
kiho thei uh hi. Philip in “Pasian hong ompih na omlo hileh i nuntakna kisia
khin ding hi,” ci-in a lawm Samuel tungah a pulaak hi.
Samuel
in zong tua bangin Korea panin missariony nasem in hongpai Philip in innsap om
a, inn teek ahihleh Khristian thu upna neilo innkuan khat hi-in, amau kiho
theihlohna panin tu-in a nih un kiho thei ahihna hangun amah zong a lungdam hi.
A beisa hun a thupiangte a kikum kik uh hi. Hotkhiatna thu hang hilo-in,
huaiham angsung khualna hangin kiho theilo-in a om uh a nuihza kik uh hi.
Pasian in amau lawmta a om pihna thute a phawk kikkik uh hi. Philip aa dingin
tua bangin a inn teekte tungah Pasian thu, hotkhiat na thu a gen thei kik hi.
USA gam ah missionary nasemin a pai Philip aa dingin USA a tun ciangin a nunzia
hong kikhel ahihlam khua nung phawk hi.
A
nasepna zo-in Korea ah hongciah kik a, USA ah a tuah thute a lawmte tungah a
gen kik hi. A lawm Samuel tawh a kithutuah lohna thute a ngaihsut ciangin, a
maizum mahmah hi. Missionary dingin a vapai-na gam ah Zeisu hong hotkhiatna thu
a gen ding sangsikin a kikholhpih khat tawh zong kiho theilo-in a om ziate a
maizum kik mahmah hi. Ahizongin ama teci panna in Pasian in nalianpi semkhin
ahihna thu amu thei hi. Tua a laigelh in thudang tampi hilo-in laigual khat
hilel hi. Ahi zongin man nei mahmah hi: “Topa in a thaneem keimah hong zang hi.
A kiphasak mi, kei hong zang hi.” Korea gam mite aa dingin thungetna kisam hi.
Leitung mun tuamtuamah missionary nasemin a kuankhia tampi om khin uh hi.
Tu
quarter Sabbath 13 sumpi in Hankook Sahmyook Academy ah kipuak ding hi. Hih
Sanginn a sangnaupangte in mun tuamtuam gamsung gam pua-ah ahih zahin
missionary pai khia uh hi. Mai Sababth in quarter cin’ Sabbath 13na ahih manin
sumpi khiat ngei a zah thum khiatek dingin i kihanthawn ihi hi.
