MONGOLIA
| February 1
Bold Batsukh
aihilhsiapa inn kiang ah mi hon pi kikaikhawm uh hi. Bang hangin hongpai uh hiam cihleh amaute in a tuah uh buai-na khat siapa in huhin a siang ding lamen uh ahih man in a kikai khawm ahi hi. Inn sungah a lut dingin amaute kisawlin pawl khat inn sungah honglut uh a, kim’khat in ahihleh inn pua ah om uh hi.
Siapa
in “Nang bang buai-na nei na hiam?” ci-in inn sung a lut mite khat dong hi.
Siapa
in tua mi’pa thugen a ngai hi. Ama buai-na a gen khit ciangin siapa in Lai
Siangtho bu hongin thungetna khat a nei hi. Hih siapa in Tibet mi hi-in Tibet
pau tawh tua bangin thu a ngen hi. Ama gen thute kuamah in a khiat na theilo uh
hi.
Khua
mite in Tibet pau thei omlo napi in, siapa inn panin a paikhia khempeuh in lung
kimna a ngah uh hi. Bold in, siapa in
bang gelh hiam, bang thungen hiam cih thei lo-in alung mang hi. Bold ngaihsut
na-ah “Siapa huh thei ding hileng, amah tawh hun tampi ka zang nuam hi; amah
tawh kizopna pan in ka hamsatnate tung ah zawhna ka ngah thei ding hi” ci-in
lame hi. A nu in “Nang na gol ciangin sang sia semding hiteh” ci-in hanthawn
den hi. “Kei zong nang tawh kibangin sangsia sem ding hing” ci-in siapa tungah
gen hi.
A
nu in sangsiapa a inn ah sam in, “Siapa kiangah ka tapa hong huhsak in” ci-in
ngen hi. Siapa in “na tapa ka pattah theih bangin na pantah ning” a ci hi.
Sangsiapa in Bold hilh toto hi. Zingsang khat siapa in, Bold inn ah zing hawh
a, Bold tho nailo hi. Zingtung’ a kipan Tibet pau kisin uh hi. Zing sang
tawntung in laisimna le thu ngetna neih pih den hi. Bold in siapa inn ah kum 2
sung bang om hi. Siapa hilh thute a thei thei hi. Lai Siangthote lot ngah hi.
Kum 15 a phak ciangin phunggyi sang ah om dingin siapa in sawl hi.
Tua
bangin va omleh laisin midangte laihilh thei ta dingin a siapa in lamen hi.
Phunggyi sang ah va om a, Bold tungah “bang teng sinkhin na hiam?” ci-in dong
hi. “Hih na simthei hiam? Hia na sim thei hiam” ci-in dotna tuam tuam dong hi.
Hun khat lai-in tua bangin dotna hau khangno khat ahih bangmahin tu-in amah
tung ah zong dotna tuamtuam a nei nuam mi hong tam semsem hi. Mite theihnop
thute Lai Siangtho tung tawnin dawng kik thei hi.
Sang
ah hongpai mite dotnate Bold in dawng thei amuh ciangin siapipa in Bold pakta
mahmah hi.
siapa
in sang ah om suak dingin agen’ hangin Bold in laihilh nopna lungsim nei nawnlo
in inn ciah ding bek a ngaihsun hi. Inn hong ciahkik a, a innkuan un lungdam
mahmah uh hi. A lawmte tawh sang a kahloh kum nih valkhin hi. A lawmte phak
zawh nading a hanciam hi.
Bold
in a lawmte tawh kibang in lai a sin khawm thei hi. Kha nih sung bang laisin
khawm toto thei a, lai zo ahih manin a sangkah a zomtoto thei hi. A maigualah
tutna ngah a, nidang banglo-in lai theih nopna lungsim nei in a lai bekmah
kinbelin a nei hi. Ama ngaihsut banglo-in sanglaite baihsa hi.
Mark
tam pen a ngah hi. A lawmte in bang thu hangin Bold laihat hiding hiam, ci-in
lamdang sa uh hi. Kum nih sung bang sang kahlo ahih manin bangmah theilo ding
khatin ngaihsun uh hi. Bold in tua kum nih sung Lai Siangtho lotngahna le
laisimna in a zatlam a lawmte in theilo uh hi.
Bold
in Mongolia pau le Russia pau sin khin a, tan sawm a zawh khit ciangin, Manglai
sin ding ngaihsun hi. Pau tuamtuam theihnopna lungsim nei hi.
University
a kahna-ah lai kia hi. Ama ngaihsut sangin Manglai hamsa sazaw hi. Sanggam
numei a peengte in America pan hongpai mi pawlkhat tawh kimu dingin sawl uh hi.
Tuate in Manglai hilh uh a, ahi zongin Bold in Manglai sin nuamlo hi. A sanggam
numeite in Mongolia tawh kigelh Lai Siangtho Thak khat pia uh hi.
“American
mite in Khristian upna nei uh hi” ci-in a sanggam numeite’n gen hi. Amaute in
Khazih thu hilh kawikawi cih a zakciangin Bold in lamdangsa mahmah hi. Bold in
“tua mite kiangah pai nawn kei un” ci-in a khaam hi. “En i ngei-na biakna
neikhin hi hang,” ci-in Khristian upna a zuih ding uh deihlo hi. A sanggamte’n
manglo hi. “Hih mite in mi hoih hi ee” ci-in dawng hi.
Ni
khat a innlai bawl ding a kipat laitak in a sanggamte’ gen America mite tawh
kimuh ding a lungngai hi. “Amaute’n ka laisin hong huh thei ding hi” cih lamen
hi. “Khristian thu hong gen uhleh pai nawn lo ding” ci in khensat hi. A sanggam
numeite tungah “Tua American mite tawh ka kimu thei diam” ci-in a dong hi.
A
sanggamnu te’n Americante kiang ah a sanggampa kimuh nop na thu a gen ciangin,
thukimpah uh a, “tua ahihleh hong tung ding Sabbath ni ciangin kikhopna inn ah
hong paisak in” a ci hi.
Tua
quarter Sabbath 13na sumpi in Mongolia khuapi Ulaanbaatar ah kipuak ding a,
pawlpi nasepna tuamtuamte huh nadingin kizeek ding hi.
