MONGOLIA
| January 25
Bold Batsukh
Bold in thu dot nop khat peuh a neih ciang in Mongolia gam a, a pa kiang ah pai zelzel hi. “Khuamial ka lau hi” ci hi. “Bang hangin khuamial lau ka hi hiam?” ci-in a ngaihsun zo kei hi.
A
pa in “Na lungsim hi” a ci hi. Tua ciangin khat vei Bold in thu kigen khat a
phawk hi. Tua thugen pa in Dawimangpa le khuamial ukna neite thu a pulaak hi.
Tua bangin lau-na khat peuh a neih ciangin a pa kiangah a pai pahpah hi. A pa
kiang a tun ciangin “dawi mangpa cih bang a om hiam?” ci-in dong hi.
A
pa in “Na ngaihsutna hilel hi” ci-in dawngkik leuleu hi. Bold in a pa muang
mahmah hi. A pa in laisim a hat mahmah khat hi. Thu tuamtuam zong theih a hau
mahmah khat ahi hi. Ahi zongin khuamial kihta veve lai hi. Pasian om takpi
ahihlam a um thei kei hi. Pasian in hih leitung ah omlo ding hi; Pasian a omleh
zong vankhua nuai mundang ah om hibek ding hi, ci-in a ngaihsun hi.
Bold
in khangno lai ahih hang in na khat peuhpeuh thupi ngaihsut in nei hi. Mailam
nuntak khuasak nading thu tampi a ngaihsun thei khangno khat hi. Mihing in si
thei ihihna thu a theih manin i sih khit ciangin bang kipiang hiam, bang kisuak
hiam cih thute zong a thei nuam mahmah hi. “Bang hangin kisi hi ding hiam?” cih
thu zong a thei kei hi. Mihing in a sih ciangin tua tawh na khempeuh a bei-na a
suak hipah hiam, cihte a kipan theihnop thu tampi a nei hi.
Ni
khat a pa ci’na hi. Zato kah in noptuam, na kik zel cih bangin tawl khat sung
zato kahin ni’tum den uh hi. Tua bangin zato lum in a om sungin Bold in zato
siamahte in zatui suutna panin meima pawn khat om suak amu hi. Bang hangin tua
bangin meima ma bangin om hi ding hiam ci-in a pa a dong hi. “Ka ci’na aih
ciang a zatui kisuutna hangin hih bangin ama beisiang theilo hiveh aw,” ci-in a
pa in a dawngkik hi. Bold in tua bangin mei’ma a om ciangin a pa a hehpih hi, a
pa natna dam theilo-in a ci’na semsem in om hi.
A
tawpna-ah an zong ne zo nawnlo dinmun hong tung hi. Naungekte an bangin buh vui
peuh, bawngnawi vui peuh kipia-in tua bangin hong om hi. Amah le amah in zong
ne zo nawn lo ahih manin sikkeu tawh mi khat in tulh kul hong suak hi. A gawl
ah lut zo nawnlo ahih manin gen’thei kisa mahmah hi.
Nitaak
khat Bold lawmte khat hongpai-in, zato huang pualam ah kimawl mawl in om hi. “Na
pa si ta, na pa si ta” ci-in a lawm in gen hi. Bold in ka lawmpa in hong
ciamnuihna hiding hi, ci- in ngaihsun hi. Tua hi-in a lawm in tua bangin a gen
ciangin Bold zong a heh suak hi. “Bang hangin tua bangin kampau na hiam?” ci-in
a lawmpa dong hi.
A
lawmpa in “Na nu le na innkuan pihte in nang hong zong kawikawi uh hi” ci-in a
dawngkik hi. Bold zong innlam zuanin hongtai pah veva hi. Cina pua mawtaw a inn
ah om a galmuh pah hi. Kuamah in inn sung a lut ding a phal kei hi. “Innpua-ah
om in” ci-in inn sung a lut sak kei uh hi. Tua bang thu a zak ciangin Bold in
ka pa si taktak aive maw ci-in a ngaihsun hi. A pa in kum 45 bek pha pan hi.
Bold in kum 13 cing khin pan hi.
Bold
in naupang lai ahih bang mah in “Bang hangin ka pa si hiam? ci-in lamdangsa
mahmah hi. Tua bangin a dot kawikawi hangin kuamah in bangmah a dawngkik kei uh
hi. A pa nusiat a kipan Bold in Pasian tungah thungen dingin a ngaihsun hi. Hih
bangin ka pa a sih nading bangmah ka thei kei hi, ci-in a ngaihsunsun hi.
Bold
in a pa luang geilam zuan in hongpai hi. A pa lo-in nuntak ding a ngaihsut
ciangin pa neilo-a nuntak ding a ngaihsun thei kei hi. “Tua bangin kisi hileh
nuntakna in bang man nei mawk ding hiam?” ci-in a ngaihsun hi. A gol semsem
hangin khuamial kihta-in a om hi. Zan ciangin a mang sungah a pa mu thei zel a,
“Bang hangin hong nusia na hiam?” ci-in a pa dong hi.
A
pa in a dawng kei hi. Tua bangin a theih loh thute a pa in hilh ding a lunggulh
mahmah hi. A innkuan sungah na khempeuh a pa bek ii vaihawm ahih manin a pa
lo-in nuntak ding a ngaihsun thei kei hi. Pa neilo-in nuntak ding a ngaih sut
khak ciangin a lung himawhna zong hong lian semsem hi. “Ka pa in a natna theih
baih henla manlang in zato kilak thei hileh cih a ngaih sun sun hi.”
Mom
in pa a phawk pha mah mah hi. Mom in zong dot nop tampi a nei hi. A theih nop
thute a dot nadingin Mongola ngei-na biakna makai khat kiangah pai dingin a
ngaihsun hi. Bold in, Mom in tua bangin a theihnop thute thei ahih manin nidang
sangin maitai zaw a mu hi. Bold in zong tua bangin Mom maitai amuh ciangin “kua
kiangah pai-in thu dong na hiam?” ci-in a dong hi. “Kei zong kong pai thei
diam?” ci-in a dong hi. “I nihin va pai ni” ci-in a kikum uh hi.
Mongolia
gam mite aa dingin thungetna kisam hi. Hih gam mi a tam zaw in a nungta Pasian
theihna nei nai lo uh hi. Bold bangmahin theih nop hau mi tampi om uh hi.
Tu
quarter Sabbath 13 na sumpi in Mongolia gam khuapi Ulaanbaatar ah kipuak ding
hi.
