MONGOLIA
| January 18
Tserenjav Danzan
Mom in kum 22 a pha tanuDebbie nei hi. Monglolia gam SDA sang kah khat ahi hi. “American mite kikhopna-ah ka pai nuam kei hi,” ci-in a tanu in gen hi. “Tua mite in thukansimte hi” ci-in ngaihsun hi. 1992 kum September kha sung a thupiang khat hi. Mongolia in Communist tawh ki-uk gam hilai hi. 1992 kum in Debbie in Communist ukna a bei khit ciangin SDA sungah a kituiphum masa pen thu-um mi khat hong suak hi.
A
nu in “American mite in mi hoih hilohi; amaute pen thukansim a hongpai hilel uh
hi, ci-in ngaih sun hi. I gam honguk nuamin Thu-um mite khut zatin hong nei
nuam uh hi, ci-in a ngaihsun hi.
Khristian
thuupna in Mongolia gam pupa biakna tawh kituaklo hi. Mom in biakna khempeuh a
hoih omlo hi, ci-in a pom khat hi. Amah pen “Pasian omlo hi,” ci-in a um mi
khat hi. Communism upna a kiplet khat hi. Ama huzaapna tawh mi tampi in
Communist upna zui uh hi. A nasepna-ah zong pahtawi-na tuamtuam a ngah zelzel
khat hi.
Marx,
Engels, le Leninte tung ah laikhak khat a gelh hi. Amau teng in Mom in Pasian
tungah a neih a lungsim puak khel ngeilo ding ahihlam a gen uh hi. Debbie in
Mongolia nusia-in Adventist International Institute of Advanced Studies (AIIAS)
Philippines gamah sang kah ding in kum nih va pai hi. Kum nih khit ciangin inn
hong ciahkik a, Mom tawh Lai Siangtho thusinna nei uh hi. Tua bangin Lai
SIangtho thusin na a neihna uh hang in Mongolia’ gam ah thu-um mi hong kibehlap
toto ahihna kimu thei hi. A diak diakin khangnote in SDA pawlpi thupuak thute
lunglut thei mah mah uh hi. Tua bangin khenneu tuamtuamin kikhen uh a, khen
khat sung ah mi 5ta khawng om uh hi. Mom le a sanggam numei nihte tawh kipawlin
Lai Siangtho thusin na a nei khawm uh hi. A sanggam numeite tate khat in
Adventist pastor hong suak a, Mongolia gam aa dingin pastor masa pen hong suak
hi.
Mom
in tua bangin khen tuam tuamin Lai Siangtho thusinna nuamsa mahmah hi. Debbie
nun zia kikhel amuh ciangin Mom in lamdangsa hi. Hun khat lai-in Debbie in
kiphasak mahmah khat hi-a, a kikhel khit ciangin tua bang lungsim puak nei
nawnlo-in a kiniamkhiat mahmah nungak khat hong suak hi.
“A
lungsim khel hi,” “bang thu hangin tua bangin khel hi ding hiam?” ci-in Mom in
ngaihsun hi. Tua ciangin Debbie sanggam numei khat in Khristian thu upna zui
dingin thagum hatna tawh a sawlna thu a nung theih hi. Tua khit ciangin
kituiphum dingin a khensat hi. Kum 2000 ciangin Mom in zong Topa tungah kipia
dingin khensatna a nei hi. Tui kiphum pah hi. Kum 53 a cin ciangin tui kiphum
thei hong suak hi. Lai Siangtho thu a sinpih a lawm teng zong a vek un tui
kiphum ciat uh hi.
Lenin
le Mother in Pasian thuman teci pangin mi muanhuai hong suak uh hi. Hun khat
lai-a Communist party aa dingin a nungta mi khat tu-in Pasian aa ding bekin a
nungta mi hong suak hi. Ama nunzia in midang tampi huzaap a, mi tampi in Jesuh
tungah hong ki-ap thei uh hi.
Mom
in a sih dongin Topa tung ah a citak thu-um mi khat hong suak thei hi.
Pasian
a it bek thamlo-in piak khiatna -ah zong a hat mah mah etteh thamcing khat hong
suak hi. A upna thaneem thei zel hi mah taleh biakinnah a kikhop zawh nawh loh
ciangin a inn pen kikhop nading munin zang thei uh hi. Biak kikhopna khat
peuhah sumpi kaihkhopna a om keileh biakpiak na kicianlo hi, ci-in a pom den
khat hi. Tua bangin inn ah kikhop ciangin zong sum donna bung khat nei uh hi.
Mom
in sinkha-ah suang om a tua natna tawh a nuntakna bei hi. 2020 kumin kum 70 a
cin ciangin si hi. A sih khit nungah zong Topa aa dingin teci muan huai khat
hong suak veve hi. Mongolia gam ah sih vui-na-ah sum tampipi bei hi. Mom a sih
ma deuhin a innkuan pihte tungah a kam vaikhakna-ah “Ka sih ciangin sumbei-in
hong vui kei un” ci-in a vaikhak khol hi. Ama vaikhakna om bangin a sih ciangin
Mongolia ngei-na bangin kivuilo a, pawlpi ngei-na bangin kivui-in sum tampi a
bei nawnlo suak hi. Hih in midangte aa dingin etteh takcing khat hongsuak hi.
Tua bangin a kivui ciangin Monglolia minam ngei-na bang hi lo-in thu zui mite
ngei-na bang khatin mu uh a, amau ngei-na le Pasian thu upna kibanglo ahihlam a
pulaak laak a suak theipah hi. A sih khit ciangin a han tungah mual suang khat
bawl uh a, tua tungah “Topa a ngak mite in thupha ngah mite ahi uh hi.” Isaiah
30:18 khat gelh uh hi; Hih in zong thuman teci a suak thei hi. A sih madeuhin
Debbie tungah kam vaikhak khat zong a nei hi.
“Khazih
sungah lametna ka nei hi. Ama hongpai mateng han sungah Amah a ngak ka hiding
hi,” ci-in a gen hi. Tu-in Mom in Topa thawhsak kik ding ngakin a om hi.
Tu
quarter Sabbath 13na sum pi in Mongolia gam SDA pawlpi nasepnate-ah kipuak ding
hi.
