MONGOLIA | January 4
Tsomo
Tsomoin Khristian thu upna ngaih sut in nei ngeilo hi. Amah pen Mongolia gamah a teeng khat hi.
Gam
biakna in Khristian upna langpan mahmah hi. Tua hi-in Tsomo in Pasian um lo mi
khat hi. Pasian om kei” a ci mi khat hi. Ahi zongin a pa neu khat in Mongolia
khuapi Ulaanbaatar sung a om Seventh-day Adventist biakinn khat ah khat vei va
kikhawm ngei hi. Mangpau sinnuam ahih manin Australia panin thuhilhsia khat in
thu hilhna nei-a, tua munah va pai dingin a khensat hi.
Adventist
pawlpi in Khristian dangte tawh kibang lo ahihna zong amu thei hi. Tua bangin a
pai-na-ah, a sanggamte khat kum 18 a pha khat tawh va pai uh hi. “Hih mun in a
nuam mahmah khat hi,” ci-in a kik ciangin zong kikhawm kik ding a lunggulh uh
hi. “Hih kikhopna-ah khangnote zong tampi kikhawm uh hi.
“Auntie,”
ci-in Tsomo in a nopna a pulaak hi. “Hih upna in i ngei-na tawh kituaklo hi;
gam dangte biakna hi, cihsan hi.Tua nupin nu in kikhawm dingin a zawn kikkik
hi.
Khangnote
nuntak khuasak zia ding thu tampi zong kihilh uh hi. Khangnote in biakpiakna-ah
kihel uh a, guitar tumin lasak nuamsa thei mahmah uh hi. Tua nupi in “Khangnote
lakah ka tanaute zong tampi kihel uh hi,” ci-in a pulaak hi.
Tsomo
in tua kikhopna biakinn ah a nuneu tawh kikhawm dingin a pai zelzel uh hi.
Gamdang panin hong pai tua thu hilhsiate thu hilhna zaknop a sa mahmah hi.
Midangte mu ngei lo ahih manin tu-in a muhcilna a hih manin muhnopsa mahmah hi.
Tua bek tham lo-in Tsomo in music uk mahmah khat hi.
A
nuno bangmahin SDA pawlpi le pawlpi tuamtuamte kibat lohnate zong amu hi. Hih
mite pen mi nuam mahmah uh hi. Amaute in maitai den uh hi.
Tsomo
in SDA biakinnah kikhawm dingin hong pai zelzel hi. Tawl khat khit ciangin SDA
thu zui mi hong suak hi. Jesuh a itna a khang semsem hi. SDA pawlpi a lut zawh
kum khat khit ciangin Tsomo in khuaneu lamte-a om a lawmte kiangah va zin
kawikawi hi.
A
lawmte in nidang bang lo-in Tsomo nunzia kilamdang ahihna a mu thei uh hi. A
lawmte khat in “Na kikhel ve ciai, nidang tawh kibang nawn keiteh” ci-in Tsomo
kikhelna a pulaak hi.
Bangci
bangin kikhel na hiam? ci-in a kidot ciangin “Pasian in ka nunna hong khel hi,
ci-in Pasian ompihna a pulaak thei hi. Tua bangin a gen ciangin a lawmte in
zahpih uh hi.
Bang
hang hiam cihleh a lawm a gualte in Khristian upna nei hi lo uh hi. Tua bang
hun laitakin guahzuk loh zawh kha 6 bang val khin hi.
Lopate
keu mang khin a, hamsatna lianpi tuak uh hi. Gan tuamtuam khawi uh ahih manin
ganhingte zong a sisi tawh om hi. Ahi zongin a lamdangtakin kial tunna panin
guah hong zu hi.
A
lawmte in Tsomo tungah na biak Pasian om takpi ahihleh guahzu dingin thungen
in. “Na biak Pasian in a man Pasian ahihleh guah hong zusak hen” ci uh hi. Tua
ciangin Tsomo in zong thungen a, “Topa aw, Ka lawm ka gualte in nang hong um lo
uh hi; ahi zongin nang in a om takpi Pasian na hihna ka thei hi.
Ka
lawmte tungah zong om takpi na hihna hong kilangsak in,” ci-in thungen hi. Tua
ciangin Tsomo in guahzu dingin thungen hi. Tua bangin thu a nget khit ciangin
gauh zu dingin mei hong kai pah hi. Tua bangin thu a nget khit a zingsang
ciangin guahzu takpi hi.
Tsomo
lawmte in lamdangsa mahmah uh hi. A lawmte kimkhat in “A nungta Pasina hong um
uh hi. “Na biak Pasian thu ka thei nuam hi,” ci-in Tsomo lawmte khatin Tsomo
tungah a pulaak hi. Tsomo in a lawmte kaikhawmin Lai Siangtho thu sinpihna a
nei hi; thungen khawmin lasak khopna zong nei uh hi. Tua bangin kha khat sung
thusinna, thungetna le lasakna a nei uh hi. Tua khit ciangin Tsomo in khuapi
lamah va zuankik hi. Guahzu dingin thungenin guah zuk kum tampi hong cing khin
hi.Tsomo in Adventist pastor khat hong suakin tu-in Mongolia khuapi Ulaanbaatar
ah Pasian na semin om hi. Hih khuapi -ah Adventist pawlpi a om kum 10 khawng
bek hi pan hi. Gammi a tam zaw in Pasian um lo uh hi.
Tu
quarter Sabbath 13na sumpi in Mongolia khuapi Ulaanbartar ah kipuak dinga,
pawlpi nasepna tuamtuamte-ah kizeek ding hi.
