SOUTH
KOREA | March 15 | Olivia
David kha 18 a cinin a nu in laibu neu bu 4 simpih khin hi. Tua laibute in Lai Siangtho tangthu vive ahi hi. A masa in Late 1; a nihna ah, Matt. 5:3–12; a thumna ah, John 14:1–4; le a lina ah, 1 Kor.13 sung thu a lim tawh a kilaak hi. David zingsang a thawh ciang in a nu in laisimin a om hi. Zan a lup ding ciangin a nu in lai tuam tuamte a sim zel hi. A nu’ laisim ngai kawmsa-in ihmu hithiat thei hi.
Sun
hun sung teng zong tua bangin a nu in lai simin ihmu thei zel hi. Kha khat
sungin naupang David in thu hoih tak ngai thei hi. Laibu zong bu 4 bang lotngah
thei hi. Tu-in David in kum 7 cing hi. Lai Siangtho mun 350–400 val bang
lotngah zo hi. Koi bangin tua zahzah lotngah zo hiding hiam? David nu in Olivia
Kim hi-in a pi in naupangte aa ding Lai Siangtho kamlotngah ding laibu le thu
tuamtuam a gelh hi.
Olivia
in tua bangin Lai Siangtho tangthute a zak ciangin a lungkim mahmah hi. A nu in
zong ta a neih ciangin a teek nu ettehin tua bangin gamta dingin a khensat hi.
Tua bangin kalsuan takpi ahih manin naupang no ahih hangin laibu bu 4 bang a
sim khinzo thei hi. Tua bangin a sim ciangin David in a mai-a om lim tuamtuamte
amu thei hi.
David
in laisim thei nailo himah taleh a nu simte za-in thei ahih manin kha khat khit
ciangin tua laibu sung kigelh thute a lotngah zo thei hi. A nu in limte a lah
ciangin David in a phawkkik theipah hi. Laidalte tunga kigelh laimalte le limte
a thei toto hi.
Nu
in tua bangin laibu sung kisuai limte a banbanin lemtoto a, a lem kawmin a sim
toto hi. Tua ciangin a Nu in Late 121; Siam. 6: 4-9 sunga thute le Thukham Sawm
Pai. 20 le Vantungmi thumte thupuak Mang. 14:6-12 le Thuhilhkikna 28 sunga
thuphate le hamsiatnate a lim tawh kisuai mu thei hi. A nu in minute 20-30
kikaal bangin tua bangin zingsang le nitak sialin limte a etpih hi.
Sun
ciangin zong lai a sim pih hi. Tua bangin simpihna manin David in tua thute
lotngah thei hi. David in KG sangkah ciangin a siate hilh thute, cartoon tawh
kigelh thute a thei khin hi. David in tua cartoonte amuh ciangin hun khat lai-a
a nu in a etpih limte ahihlam a phawkkik thei hi. Zan khat David in zan ciangin
lau-a a nu kiangah va tai hi. “Nu aw, keilau” ci-in a nu kiang ko hi.
“Banghangin lau na hiam?” ci-in a nu in dong hi. “Tuni -a ka cartoon ette ka
phawk kik a, ka lau hi,” David in a ci hi.
“Lau
kei in. Banghang hiam cihleh Pasian in nang hong ompih hi,” ci-in a nu in a
hanthawn hi. “Hih inn in Pasian kepna
nuai ah om hi. Tua bangin na lau ciang in Late 121 sung a na lotngah thute a
ging in sim khia in” ci-in a nu in sawl hi. A Nu le David in Late 121 lotngahin
sim khawm uh hi. “Kei ma huh koi panin hongpai ding hiam, ci-in keimah in mual
tung lam ka ento hi” ci-in a lotngah Late 121 a sim khawm uh hi. Hun khat
ciangin David in a hoihlo khat semkha hi.
Kum
4 bek pha pan ahih hangin a mawhnate kisik thei-in nitak hunbawl ciang in a Nu
tungah a khialhnate a pulaak hi. A nu in inn sung nasep tawh buai lua ahih
manin a nau kha 6 a pha pan khat kem dingin David a sawl hi. David in a nau
kemlo-in a ut bangin a kimawl hi. Nitaak nai 7 bang cing khin, khuamial ding
hita, a Nu lunghimawh a, a tawpna ah hehlua ahih main “Bang hangin kimawl mawl
na hiam, nau kem dingin hong kisawl hilo hiam?” ci in han gawp hi.
David
in bangmah sem thei nawnlo hi. A nu in tua bangin pau ngeilo ahih manin David
in lam dang sa mahmah hi. A nuta-un ki en tuak uh a , a Nu in tua bangin a
kampau khial a kisa hi. Tua bang in a om laitakin a Nu in 1 Korin 13 sung a
thute phawkvat hi. A nu in ama zak khopin “Vantung mite kampau ka pau theih
hangin pilna, siamna khempeuh ka nei zongin itna ka neih keileh ka kimanna bang
om mawk hiam? cih thu a ngaihsun hi. Tua khit ciangin a ta nuihsanin a en hi.
David in zong a nu en a, amah zong a nui hi. A nu in “Ka khialhna hong maisak
in” ci-in a pulaak hi. Tua khit ciangin David in a puan khel dingin inn sung ah
a lut hi. Hanawtin lum dingin a kithawi hi.
Tu-in
David in Lai Siangtho kam lotngah mun tampi a ngah zo hi. A sanggamnu Abigail
in kum 3 pha pan ahih hangin a sanggamnu in zong Lai Siangtho mun tampi lotngah
khin hi. A Nu in David te unau lotngah khempeuh zong a lotngah thei hi.
Tua
bangin Lai Siangtho mun tampi a lotngah theihna pen zan khat ni khat thu-in a
piang thei hilo ahihlam zong a thei hi. Nisimin hanciamna kisam hi. “Ka tate ka
hilhna tungtawnin keimah in zong Lai Siangtho tam pi ka lotngah thei hi,” ci-in
a Nu in a gen hi. “Ka tate in missionary nasem dingin Topa tungah ka ap hi,”
ci-in a gen beh hi. Olivia bang mahin nupite in tate Pasian thu sungah pantah
ding kisam hi. Khangnote aa ding thu ngetna tampi kisam hi. Tu quarter Sabbath
13na sumpi in Hankook Sahmyook Academy ah kipuak ding hi.
