PASIAN
HOPIHNA ZA-in MAWHNA MUDAH
NAMIBIA | August 15 |
Uapahurua
Namibia sehnel gam mite khang tangthu in kum zalom tampi val khin hi, cih kimu thei hi. Himba minamte in mun khat pan mun khat zin kawikawi minam khat hi; teenna mun kip, leitang nei lo minam hi. Tua bangin a zin kawikawi-na vuah a gan kawite uh bawng, keel le tuu tampi tawh a zin khawm uh hi. Guah zuih hun tomno sung ahi thei bangbangin tui khol uh a, kum kha tawntung khom phial mai uh hi. Uapahurua in Himba minam hi-in, Himba minam lakah Seventh[1]day Adventist Pawlpi hong lut amah bek mah hi photlai hi. 1993 kumin Pasian thu a zakna panin SDA thu zui mi-ah hong kikhel thei hi. Ama tangthu in a nuai bang hi.
Uapahurua
Himba minam khangno khat hi. Guta thei-in, mi tawh kitawng kilai, zu kham den
hi. Hih bang teng tawh nitum den hi mai hi. Tuu le keel honpi khat khawi uh a,
lokho mi khat zong hi. Vaimim cing uh
hi. Sum thalawh theih nading bangmah nei lo uh hi. Kumpi in uhamte
pension pia uh a, tua simloh sum ngahna nei lo uh hi. Tua bangin sum a ngah uh
ciangin khangnote in piteek puteekte
kiang hawh uh a, zu lei nading sum ngen uh hi. Nasep nei mi tawmno khat bek om uh hi. Tua
bangin zu dawnin khangnote kitawng kilai-in a om ni khat Uapahurua in “Ka
pai-na lampi panin kihemkhia in” ci-in awging khat a za hi. Tua bangin
khangnote khat le khat kitawng kilai
kivua uh hi Uapahurua in
khangno tampi in gamlakah bawngcingin a omlai a phawk hi. Tua bawngte khat sawl
kawmah a si khat a mu hi. Hih bawngsi in a kigu bawng khat hi-in, zuakin zu lei
nadingin kigeel ahihna thu a thei uh hi. Tua khangnote in bawngneite tungah
bawng man zah ding sum pia kik dingin a kithukim uh hi. Uapahurua adingin guktakna, zu khamna le gualnop nading
bek a mungtup lian bel a suaksak hi. Tua bangin a nuntak laitak mahin Seventh-day
Adventist pastor khat hong pai hi. Hih
pastor in Himba minamte lakah hotkhiatna thugenin kikoih pastor hi.Hih pastor
in Pasian thu a genpihpih hi. Uapahurua in Pasian thu za ngei peuhmah lo hi. Tua hi-in
Pasian thu a zak ciangin a theihbeh toto nuam hi. Tua ciangin Sabbath ni hong
tun ciangin a gei-a singnuai khatah
biakpiakna a nei khawm uh hi. Himba mite a tam zaw khangnote in sangkah ngei lo
uh hi. Tua hi-in laipai thei lo uh hi. Pastor in Lai Siangtho tangthute a gen
ciangin Uapahurua a kipan khangno tampi in zaknopsa thei mahmah uh hi. Nipi khat khit ciangin a gamtatnate man lo
ahihlam a kiphawk hi. Pastor in singnuai-a kikhawm dingin hong pai zo den lo
hi. Tua bangin pastor a pai loh Sabbath kikhop ciangin Uapahurua in SDA biakinn
nai penpen khatah va kikhawm hi. Tua bangin a kikhop ding ciangin zingsang tho
baih mahmah hi. Nai 7 bang khe tawh a
pai khit ciangin SDA biakinn khat ah va kikhawm theizel hi. Mi na guksak, mi
tawh kitawng kilai cih bangin a hun bei den khat ahih manin Pasian deihna bangin a nungta nuam mahmah ta
hi. Pastor in Lai Siangtho simna nei-a, vantung thuman thute a zak ciangin
Uapahurua in Pasian deihna tawh kituak het lo ahihlam kiphawk hi. A mawhnate
kisikin tui kiphum dingin a khensat hi. A kituiphum ciangin kum 23 cing khin
pan hi. Tu-in ahihleh kum 46 cingkhin hi. A kituiphum khit ciangin zong
ziat-etna tawh kipelh lo hi. “Thu zui hih ding a hamsa mahmah hi,” cih a thei hi. Mihing hanciamna tawh
Pasian deihna kizui zo hi lo ahihlam zong a thei toto hi. A kituiphum khit
ciangin guta nawnlo, mi tawh kitawng nawn lo hi; a nunzia khempeuh kikhel hi. A
lawm a gualte in lamdangsa mahmah ciat uh hi.
1993
kumin 13 Sabbath sumpi tawh Himba minamte lakah nasep nadingin huhna kipia khin
ngei hi. Tu quarter Sabbath school 13na sumpi in Namibia gamah kipuak ding hi. Hih minamte pau
tawh AWR thugenna kinei zo nai lo ahih manin AWR tawh nasepna kipan dingin
geelna om hi.
