KA LUNGDAM UH HI
ZIMBABWE | August 9 |
Siyabonga
Siyabonga a khiatna in “Ka lungdam uh hi” cihna hi. Siyabonga in Siswati kampau uh hi. Siyabonga in lungdam phadiak hi. A nu in kiho dingin zan nai 8 kimin sam hi. A nu in a nasepna pan hong ciah hi. Amah pen Eswatini ah manager sem hi. A nu in “ka khaan sungah hong pai in” ci-in a sam hi.” Gennop khat nei ing” ci-in a hopih hi. Siyabonga in bang thu hi ding hiam cih thei lo ahih manin tua bangin a nu in a sap ciangin lamdangsa mahmah hi. “Lungnopna khat ka nei hi. Hih mun in nang om nading mun hi,” ci-in a pulaak hi. Tua ciangin Siyabonga in a nu pulaak thu a thei hi. A nu in a lawmte khat kiangah lamhilhna khat a nei ngei khin hi. Solusi university ah sangkah dingin a sawl hi. Hih university in amau omna khua panin tai 500 bang gamla hi.
Siyabonga
zong Solusi university ah sangkah nuam hi. A nu tungah “ Va kisin photphot
ning” ci-in a pulaak hi. Ni khat ciangin Solusi ah sangkah dingin va tung hi.
Hih university a kah ciangin Saturday ni ciangin sangkikhakin, sangnaupangte in
biakinnah kikhawm uh hi, cih thei a., bang hangin hih mite in Saturday ni-in
biakpiakna pia uh hi ding hiam, ci-in lamdangsa mahmah hi. Sangnaupang khat tungah “Bang hangin Saturday
ni-in biakpiakna nei na hi uh hiam? ci-in a dong hi. Tua pa in zong bang hangin
Adventist pawlpi in Saturday ni-in Pasian bia hi ding hiam, cih a thei tuan kei
hi. A dang khat in SDAte in Sunday ni-in biakpiakna nei lo uh hi, cih ciang bek
a pulaak thei hi.
Siyabonga
in kikhop ding kin ngei lo hi. Ahi zongin khat veivei kikhawm theizel hi. Sanghuang sung khempeuh in thungetna tawh
kidim hi. Siate in laihilh kipatma-in sangnaupangte tawh thungen kawm den uh
hi. Annekna hallpi sung khawng thungenin kizang hi. Hih annek hallpi in 2015
kum Sabbath school sumpi huhna tawh a kilam innpi khat ahi hi. Ahi zongin
Siyabonga in hih bangin thungen hahkat mi amu ngei kei hi. Hih
bangin thunget hahkat mite lakah a om ciangin amahmah in zong thunget thalawp mahmah hi. Pasian
ompihna zong ngah hi. Tua ciangin Sibonga in hamsatna a tuah ciangin lungkia
pah hi. Pasian mai-ah kiniamkhiatna lungsim a nei thei hi; Pasian mai-ah
bangmah man lo ahihlam a kiphawk pha semsem hi. Pasian kiang panin mawhmai-na a
ngen hi. Siyabonga in Solusi hong
paima-in zong tui kiphum ding a ngaihsun hi.
Ahi
zongin kiphum pah lo-in a hun sotsot
toto hi. Ka khial kha diam ci-in ngaihsun ahih manin tua bangin a hun
hong bei toto hi. Ahi zongin Kha Siangtho ompihna ngahin a mawhnate kisikkikin
tui kiphum ding khensatna a nei hi. Hih bangin a geelna khempeuh a nu tungah a
pulaak hi. A nu zong lungdam mahmah hi. “Na khentatna bangin kalsuan in. Tui
kiphum ding na khensat in thu hoih hi; Topan hong ompih hen” a ci hi. A pa in zong tua bang mahin a pulaak hi. Siyabonga
tui akiphum hun sung teng in khua vot
mahmah le tui vot mahmah tawh kituak hi. Ahi zongin tui kiphum nading tui kuang
sunga a sik ciangin tui votlam a phawk kha nawn kei hi. Pasian ompihna ngah a
hihlam a kiphawk thei hi. Tua bangin Solusi university a tun zawh kha nih khit
ciangin tui kiphum thei ahi hi.
Tu-in
Siyabonga in Manglai le Communication
sinin a om hi. A sang zawh ciangin ahih
theih bangin Pasian na sem dingin a khensat khin hi. Lai Siangtho sim nuamsa-in
thunget zong a lawp mahmah khangno khat hong suak hi.
Tu
quarter Sabbath School 13na sumpi in Solusi University kipuak ding a,
sangnaupangte annek nading hallpi khat kilam ding hi.
