PASIAN
THEIH NOPNA LUNGSIM NEI
NAMIBIA
| August 23 | Kazuvakua
15
Namibia sehnel gam a mite tangthu in kum tul tampi cing khin hi.
Hih minamte pen mun khat pan mun khat ah kituah kawikawi uh hi. Teenna gam
kician nei lo uh hi. Keel le tuu tampipi khawi uh a, vaimiim limtakin cing
zihziah uh hi. Kum khat khom ding lokho uh hi. Tua bangin lokhawhna munah lo
buk neuneu nono lam uh a, tua lo bukte in amaute teenna mun suak mai hi.
Tuk
hun sungin lopawi uh a, tua bangin khuasa-in nungta uh hi. Kazuvakua in kum 24 a cing khin khat hi-in ta thum nei khin hi. 1993 kum leitung
bup pawlpi huhna, Sababth school 13na sumpi tawh a kibawl Pasian thugenna panin
Jesuh Khris pen Honpa le Tanpa -iin a sang nupi khat hi. Kazuvakua in leengla
khat hong pai a muh ciangin a heh suak hi.Hih mipa cikmah hunin mu ngei nai
lo hi. Ni dangin a pai-na ngei ah pai
dingin tua mipa hong pai ahi hi. Tua bangin Kazuvakua ii sapna angah manin tua mipa zong lungdam mahmah hi.
Saturday ni hong tungin biakinn ah kikhawm dingin a nihun hong pai thei uh hi.
SDA biakinnah kikhop hun sung sawt het lo hi.
Biakinn
zong Kazuakua inn panin khe tawh minutes 15 khawng bek kipai ding hi. Biakinn
nei nai lo uh ahih manin tua bangin singkung nuai khatah kikhawm uh ahih hangin
a kikhawm mite in lawp mahmahna a nei ciat thei uh hi. Hih kikhopna munah pastor in pawlpi mite la
hilhna khat zong a nei hi. La thak kihilh bek tham lo-in thugenna zong nei hi. Kazuakua in Pasian thu theihna bangmah nei lo
hi. Ahi zongin tua bangin a kikhopna panin Sabbath khat khit Sabbath khatah a
thungaihna tungtawnin vatnung thuman a thei toto hi. Pasian in na khempeuh
Piangsakpa,mihingte kitangsapnate hong sik hong pia Pasian hi, cih a theihna
hangin lungnopna le khamuanna khat a nei hi. Tua Sabbath ni a kikhopna-ah
thugenpa in mawh kisikna thu a gen hi. Pasian hotkhiatna i ngah nadingin mawhna
kisik kul hi, ci-in pastor in thu hilhna
nei hi.
A
Sabbath kik ciangin hong kikhawm kik a,
pastor in mun dangah kituah ding cih thu a za kha hi. Pastor dingin sia khat
hong tung hi. Kazuakua in sia khat hong tun veve-na hangin alungdam hi. Bek tham lo-in mun dang panin
Lai SIangtho thusinna a neihpih ding sia khat in kha khat in nih vei bang hong
pai-in Lai Siangtho thusinna a neihpih hi. Kazuvakua in hih munah thungai
dingin hong pai kikkik thei hi. Tua Lai Siangtho hilhpa in nipi kaal thungetna
khat nei-a, amahmah in thugen hi.Pawlpi mite bek tham lo-in khua sung mite zong
thungai dingin tua singkung nuai-ah hong kikaikhawm ciat uh hi. Thungai nuam mi
tam mawh lo ahih manin nipi kaal nih sung thugenna a nei uh hi.
Thugenpa
in lim tuamtuam lahna zong nei a, projector tawh tua bangin lahna a nei hi.
Thungai mite zoong ciim man lo uh hi. A
gamla pipi a tu mite zong amu thei a za thei uh hi. Topa Pasian in ciangtan nei
lo hihna, sep theihna, nei a, Ama ukna in a kip tawntung ding ahihna a
kipan Khrih nunzia le tong, hotkhiatna
thute a pulaak toto hi. Hih a kituiphumna uh Kazuakua in a lap kha kei hi. Lai
Siangtho hilh siapa in tui kiphumte
ading tuiphumna letmat zong kawikawi a, tua khua tawh kigamla lo khua khatah SDA
biakinn om a, tua biakinn panin a ngah thei bilbel hi. Hih SDA biakinn omna
khua pen khe tawh nai 7 bang kipai hi. Mawtaw om lo ahih manin khe mah tawh a
pai uh hi. Kazuvakua in zong tui kiphum ding lunggulhna nei hi.
A nuntakna khempeuh tawh Topa a it hi. “Ka Honpa
Topa Pasian ka it hi,”ci-in a pulaak hi. Pasian sawl bangbang mang
dingin a kigingsa-in a om tawntung hi. Zan a lup ding ciangin ahi zongin
zingsang a thawh ciangin a hi zongin Topa a itna thu a pulaak laak hi. Himba
midangte bang lo-in Kazaukua in laisim uk mahmah hi. Lai Siangtho sim nuam
taleh Lai Siangtho bu nei lo hi. Himba
pau tawh kigelh Lai Siangtho bu tam het lo hi.” Lai SIagtho bu ka deih
hi. Pasian thu nungta ka thei semsem nuam hi. ci-in a pulaak hi.
Tu
quarter Sabbath School 13na sumpi in Himba minamte lakah pawlpi nasepna huh
nadingin kipuak ding hi.
