LAMET
LOH SABBATH TAWLNGAKNA
ZIMBABWE | August 2 | Tracy
Tracy in Seventh-day Adventist university ah sangkah dingin ki-ap hi. Saturday ni hong tun ciangin bangmah sem lo-in tawlnga hithiah dingin a ngaihsun hi. Tracy in Adventist upna bangmah thei a nei kei hi. Solusi University ah laisinin a sangkahna nuamsa mahmah hi. Kum 4 bang sangkah lai ding cih a ngaihsut khak ciangin a sangzawhma-in Adventist biakinnah kikhawm ding a ngaihsun hi.
Tracy
in a sangkahna-ah hallpi khat ah a kituah hi. Nitak khat a ompihte khat tawh
kihokha uh a, tua ni pen Friday ni ahih bangmahin nitum ciangin biakinnah
kikhawm dingin tua alawm in a zawn hi. Tracy in a sanglai sin zo nai lo hi.
Homework bawl ding nei lai ahih manin kikhawm lo-in a homework bawl ding a ngaihsun hi. Ahi zongin a lawm in
a zot ciangin kikhawm dingin biakinn va zuan thei uh hi. Nintak nai 6 hong cin
ciangin amaute gel kikhawm dingin va pai uh hi.
Hih
in Tracy adingin a lamdang thu khat hong suak
hi. Biakinn sung a la kisate a zak ngei om lo hi. Kuamah laam cih zong
om se lo hi. Innkuan khat bangin oom uh ahihna amu thei hi. A lungsim sungah “
Hih biakinn sia kei ei; kikhop zelzel ding hi,” ci-in a ngaihsun thei pah hi. A
zing ciangin Saturday hi-in zingsangin kikhawm dingin Tracy le a
khanpihte kithawi ngeingai ciat uh hi. Amah zong a lawm tawh kikhawm dingin va
pai uh hi.Tracy in la kisate le thu kigente tha ngah mahmah hi; nuamsa mahmah
hi. Tua bangin kikhop hun hong tun sialin Tracy in kikhawm dingin biakinn va
zuan thei zel hi. Kum 4 sung bang a sangkahna Solusi Universityah a
sangtuahma-in SDA biakinnah va kikhawm thei ahih manin a lungkim mahmah hi.
Tracy in kikhop hun le homework bawl ding a hun neihsun a zeek siam thei hi.
Lawm le gual kikhoppih ding mi thak zong mu toto hi. Annekna mun ah va pai zel
a, university sangpi panin a kihuan ante zong a ne thei semsem hi.
Tua
bangin a sangkahna-ah nipi sial kikhop bek tham lo-in nipi kaal thunget cihte
zong om zelzel hi. Hun khat ciangin nipi kaal thunget om a, thugensiapa in
Zimbabwe khuapi Harare a om pastor khat hi. Nipi kaal khat sung thugenna nei a,
a zawh ciangin Jesuh tungah kipia nuam a om hiam, ci-in ki-ap ding hun khat a
pulaak hi. Tua ciangin Tracy in a nuntakna buppi Jesuh tungah pia-in tuiphum
dingin a min a pia hi. Lai Siangtho sim
zong nuamsa mahmah a, a hun ngah sialsialin Lai SIangtho a sim tangtang hi.
Solusi
ah sang a kahma le a sangkah khit a nunzia tampi kikhel amu thei hi. Sanglai
sinna panin Sabbath thuman zong amu thei hi. Hun khatlai-in Sunday ni
siangthosak hi mah taleh tu-in Sabbath ni a tawlnga-in a siangthosak ta hi. Tua hi-in Sabbath ni hong tun ciangin
tawlnga hithiat a, a sangkahna tawh kisai peuhmah bangmah a sem nawn kei hi.
Pasian deihna bangin Sababth ni a tawlnga
hi. Tracy in a lawmte tungah amuh thak thu upna thu a pulaak hi. A
lawmte tungah “Pasian deihna bangin nungta msa phot lehang in Pasian in i
kitangsapna khempeuh hong sik hong pia hi. A Sabbath ni tawlnga un” ci-in a
lawm a gualte tungah Sabbath thuman thu a hilh sawn thei hi. A lawmten zong
lamdangsa mahmah uh hi.
Tu
quarter Sabbath School 13na sumpi in Solusi University ah kipuak ding hi.
