GUAHZUK
NADINGIN KAP
ZIMBABWE
| July 26 | Sibongile
Guah zuh loh kha tampi pai khin hi. African gam keu mahmah khin hi. Lo khote in guah zuk ding ngak lah mahmah khin uh hi. Vaimiin tuh ding, mehthuk ciing ding, lo thang a kipan khaici tuamtuam tuh dingin guah tui ngakin om uh hi. Solusi Adventist High School ah Sibongile in sangkahin om hi. Amah pen kum 22 cing khin hi.Sangnaupang tampite in a sangsap ding uh khaici ngahna tungah kinga uh hi. Khaigah lak ding om ciangin sangsum piak ding a nei thei bek uh ahi hi. Tu-in guahzuk loh kha tampi cing khin a, khai kipawi thei keileh an lak ding om lo ding hi. Tua hileh sangsap kisam veve hi ding uh hi. Sangah zong nek ding bangmah om nawn lo hi. Sangnaupangte a kipan nulepa tampi in lunghimawh mahmah uh hi. Sibongile in zong bang ci ding cih thei lo ahih manin lungman mahmah hi. Lozang mun khatah tui khui khat to uh a, tua panin tui tawmtawm kikhai thei bilbel hi.
Zingsang sialin Sibongile le a lawmte in tui tawi-in ankungte
tui a buak thei uh hi. Suun ciangin nai khat sung bang tui tawi uh a, ankungte
tui a pia thei uh hi. Tua bang mahin nitak lam ciangin zong nai khat sung bang
ankungte tui a buak uh hi. Ankungte bek tui kipia thei banah ankuanna, kuang
sawpna, kisilna, puansawp nading tui tawi thei uh hi. Tui lo-in kinungta zo lo
hi. Tui lo-in nuntakna hamsa mahmah hi. Tui lo-in bangmah nungta thei lo hi. Tui hamsatna hangin sang zong kikhak ding
dinmun tung phial taleh tu-in tua tuikhuk panin tui tawi theita uh ahih manin
sangkhak buang lo uh hi. Kaal laizang thunget kikhop ciangin zong guahzuk ding
thu a ngen khawm ciat uh hi.
Tua bang mahin Kiginni, Sabbath ni
sialin zong guahzuk ding thu a ngen khawm uh hi. Sibongile in thungen hi. Biakinn ah pawlpi mite bek
tham lo-in sanginn ah zong sangnaupangte le siate in zong guah zuk nading thu a
ngen ciat uh hi. Tua bangin a lawmlawmin kikhen uh a, thu a ngen khawm thei uh
hi.
“Topa aw, nang adingin a hamsa khat
beekbeek a om kei hi. Guah hong zusak in,” ci-in thu a ngen uh hi. Sangnaupang
khat in “Vantungmi thumte thupuak mun khempeuhah kipuka ding kisam hi” ci-in
thungen a, a dang sangnaupang khat in “Tui lo-in bangmah nungta lo ahih manin
tui, guah ka kisam uh hi” ci-in thungen hi.
Sangnaupangte a kipan pawlpi mite in antangin thungen khawm uh hi. Tua
bangin ni khat tawntung anngawl a
thungen a om bangin nitak an bek ne in thungen zong om uh hi. Africa gamah
Vantungmi thumte thupuak a hong tunna
thute zong a phawk uh hi. 1894 kumin Adventist thupuak hong tung hi.Topa Pasian
in Solusi thupha pia-in 1994 kum a Thirteenth Sabbath Sumpi kipuka
ngei khin a, pawlpi nasepna tampi a huh thei hi. Sibongile in Topa ompihna a
phawk hi. A upna khang semsem hi. Hih hun Guahzu lo ahih manin nuntak hamsa
mahmah hi. Sibongile in Pasian in thungetnate hong dawng hi.
Tui hamsa mahmah ahih ciangin nuntak
khuasakna zong hamsa semsem hi. A
tawpkhakna-ah guah hong zu hi. Sangnaupangte le sangsiate in biakinnah hong
kikhawm uh a, thungen khawmin Pasian min a phat ciat uh hi. Mimal khat ciat in
upna tawh thu a nget uh ciangin Topa hehpihna ngahin a kitangsap guah tui a
ngah thei uh hi. Sang kihong suak thei-in, lo khawhna zong a nei thei uh hi.
Tui kisam zah kicing takin ngah thei uh hi. Tu-in a ngei bangin nasem thei ciat
uh hi. Sibongile in tu-in Solusi University ah nasem hi. Pasian ompihna a
pulaak kawikawi thei hi. “Topa in Solusi
thupha pia hi. Hih thu mun khempeuhah ka pulaak ding hi. Topa in lampi tuamtuam tawh Solusi thupha pia hi.1994 kumin Thirteenth Sabbath
Sumpi in Solusi Adventist High School
huh ngei khin hi. Hih sangpi in
Solusi University gei-ah om hi.
