A LAMDANG MAHMAH
GUAHZUKNA
NAMIBIA
| August 30 | Tjiyapana
Tjiyapana in khua hausa sem khat hi. Hih khua ah inn 15 khawng bek hi. Mun khat pan mun khatah a kituah kawikawi minamte ahih manun mun kip, teenna leitang nei lo minamte hi. Amah zong 1993kum a Pasian thugenna khat panin Pasian thu um mi khat hong suak hi. Tjiyapana in a kum phazah thei lo hi. A nulepate in a suah ni, kha, kum cihte ciaptehna nei lo uh hi. Ama upmawh ah kum 82 a cingkhin dingin kingaihsun hi. Zi 4 nei-in suan le khak tampi zong nei hi.
A
nulepa tung panin Pasian thu a za hi. A pa in Adventist missionary khat tung
panin hotkhiatna thu a na za kha hi. Hih missionary pa in Portugal gam panin
hong pai hi, ama nasepna tungtawnin thu-um mi hong om a, 1993 kumin Pasian
thugenna panin SDA hong suak thu-um mite kikhop nading kigeelsak ngei khin hi.
Hausa a sep akipanin Topa zahtak ding le
pahtawi ding kisam ahihna thu a phawk pha semsem thei hi. SDA pastor khat tawh
kizopna nei thei-in hih khua-ah Pasian thu hilhna nei dingin a geel uh hi.Tua
bangin biakinnpi nei nai lo, singkung nuai khata kikhopna tungtawnin tui kiphum
mi om veve hi.
Hih
in Pasian omna taktak hi, cih ding simloh thudang om lo hi. Himba minamte sangkah ngei lo tam mahmah uh hi. Sangkah lo
ahih manun laipai thei lo uh hi. Tua hi-in tua Thuhilhsiapa in laipai simzia,
laisimna, laigelh theihna a sinsak hi. Nipi kaal nih bang a hilh khit ciangin
mi tami in laisim thei pah lel uh hi. Bek tham lo-in hih mun kimtengah khuakhal
mahmahin guah zuk loh sawt khin mahmah hi.Pasian thu-um mite in guah zuk nading
thungetkhopna zong nei uh hi. Tawl khat khit ciangin guah hong zu a, lo kho mi
ahih bangmahun an pawi thei pah uh hi. Hih Himba minamte lakah Pasian thu
manlang takin hong kizel hi. Pasian in zong amaute kitangsapnate a pia hi, cih
kimu hi. Guah zuk loh sawt khin ta mahleh thu-ummite thungetna hangin kha 4
sung bang guahzu a, a kisam zah guahtui a ngah thei uh hi.” Pasian in hong
ompih taktak hi, cih ka thei hi” ci-in Pasian ompihna tecipang thei uh hi.
Hausa pa in tua bangin lamdang takin Pasian ompihna amuh toto thei hi.
Ni
dang bang nawn lo-in khua sung mite lakah zong guta tawm semsem hi, Khua sung
mite nunzia tampi kikhel ahihna zong amu thei uh hi. Khua sungah guta om nawn
lo, kitawng kilai cihte zong kimu nawn lo hi. Khua sung mite akipan hausapa
dongin Pasian thuman hangin khua sungah kikhelna lianpi hong tun manin alungdam
mahmah ciat uh hi. Tua bek tham lo-in Tjiyapana in SDA biakinn khat alunggulhna thu zong a pulaak hi. Amau tawh
kinai penpen SDA biakinn in khe tawh nai 8 bang kipai-na khua khatah bel om sam
hi. Hausapa Tjiyapana in biakinn lam nading leitang mun khat a pia khia khin
hi. “Biakinnpi khat om ding ka deihna hi” ci-in a lunggulh thu a pulaak hi. Tua
hi-in biakinn a neih zawh ma-un ngei-na bangin singkung nuai khatah biakpiakna
nei uh hi.
Tu
quarter Sabbath School 13na sumpi in Himba minamte lakah nasepna huh nadingin kipuak ding hi.
