AHEH MAHMAH INNPAPI
ZIMBABWE | July
12 | Tanya
ZIMBABWE
| July
12
Tanya
Pa in heh hi, cih Tanya in a thei hi. Amah pen tui kiphum khinsa khat hi-in, a kituiphumna laidal a lupna tungah a pa in mu ahih manin a pa nak heh mahmah hi. A Lai Siangtho bu sungah a koih hi-in, a pa in a vanteng a pheh kawikawi-na panin tua bangin tuiphumna laidal mu kha hi. A pa in “Kong sat ding hi” ci-in a pulaak hi. A pa heh lua mahmah ahih manin tua tuiphumna laidal a balnen gawp hi. Tua laitakin Tanay in kum 17 cingkhin hi. A pa in tua bangin tuiphumna laidal a balkek gawp amuh ciangin Tanay a khitui luang hi. “ Kikhawm ka pai nawn kei ding hi” ci-in a pulaak hi. Tua bangin a kap laitakin a nu hong pai hi. A nu in Tanay kiangah “ Pai vo, kikhawm ni, ci-in hong sawn hi.
A
pa in Tanya sat nuam den hi. Ahi zongin sat sam lo hi. Heh lua mahmah ahih
manin a pa in inn sung pan a pusuak khia hi. Inn hong ciah nawn loh ni 2 bang
val khin hi. Tawl khat khit ciangin inn hong ciahkik a, bangmah pau lo hi.
Tanya in lamdangsa-in a cih nading a thei tuan kei hi. “Hong sat kha tam maw,
ci—in patau tawntung den hi.Tua bangin Tanya in Sabbath ni hong tun sialin
biakinn ah kikhawm dingin hong pai khia hi. Amah pen a pi tawh a khangkhia khat
hi; a pi zong SDA upna sungah a kip mahmah pi teek khat hi. A sawt nai lo hun
khat sungin a pi in a sihsan hi. Tua ciangin Tanya in a nulepa tawh om dingin
hong ciah hi. A pa in SDA upna deih lo hi. A nu in ahihleh SDA upna sung panin
a khangkhia khat ahih manin SDA upna tawh a tanu a pantah hi. A pa heh lua
mahmah ahih manin Tanya in Sabbath ni kikhawm lo phot in tawl khat sung inn
ah a om lel hi. A pa in SDA biakinn
simloh biakinn dangte ah kikhawm thei hiteh ci-in a pulaak hi. Bang hangin SDA
biakinn ah kikhawm lo ding cih thu a pulaak tuan kei hi. Ahi zongin Tanya in
SDA biakinn ah kikhop nuamsa mahmah hi. Sabbath ni biakinn ah kikhawm
lo-in a om ding peuhmah a ngaihsun thei
vet kei hi. A pa in ahihleh kimawlna lamah siamna nei khat ahih bangmahin
kimawlin tua bangin khualzin kawikawi hi. Tua hi-in a Pa a om loh ciangin Tanya
in Sabbath ni ciangin biakinn ah va kikhawm thei hi. A Pa hong tun kik ciangin
amah zong kikhawm lo-in tua bangin inn ah
om lel hi. A nu in biakinnah kikhawm dingin pai nuam hi. Kikhop ding lah
lunggulh mahmah ahih manin Topa tungah thungen hi. “Topa Pasian aw, biakinn ah
kikhop theih nading hun hoih hong pia in” ci-in thu a ngen niloh hi. Tua leh
Sabbath ni zingsang khat, Tanya in a ihmutna pan khanglo-in “Tuni biakinn ah
kikhawm ding ka pai thei diam maw, ci-in a lung ngaingai hi.A kikhop theih nading
Topa tungah thungetna zong nei-a a thunget man khit ciangin a nu a lupna khan
inn sungah hong lut hi.A nu in “Pai inla, na pa tungah ka nu tawh biakinn ah
kikhawm dingin ka pai ding uh,” ci-in va gen sin aw, ci-in a nu in a sawlna
zui-in Tanya zong a pa kiangah va paipah hi. A nu sawl bangin Tanya zong a pa
kiangah va pai-in, “A nu tawh kikhawm ding ahihna thu a va pulaak ciangin, a pa
in bangmah dawngkik nawn lo hi; “ Aw, va pai ve vua’ ci- ziau hi. Hih bangin a
pa in a dawnkik amuh ciangin Tanya in lamdangsa mahmah hi. Tu Sababth ni a nu
tawh nuam takin biakinnah kikhawm dingin vapai thei uh hi. Tanya in biakinn ah
kikhawm dingin hong pai thei ahih manin midangte sangin zong nuam zaw mahmah
hi. Ahi zongin bangmah khaamna nei nawn lo hi. Tu-in Tanya in Topa tungah
thungetna thak khat nei kik hi. Tua a thunget thak in a innkuan un biakinn ah
kikhawmin a pai theih nading uh ahi hi. “Topa aw, hong huh in., Ka pa lungsim
hong khelsak in. Tua hileh ka innkuanun ka kikhawm thei ding uh hi,” ci-in a
lunggulhna thu a pulaak hi.
Amasa lam a a thungetna Topa in a dawn
bangmahin hih a thunget nihna zong Topa in hong dawng ding hi, cih upna le
lametna lianpi tawh thungen ngen hi. Tanya in Lai Siangtho sim zong nuamsa
mahmah hi. Zimbabwe gamah naupang, khangno tampite in Pasian thu theihna nei lo
uh hi. Lai Siangtho bu nei lo innkuan zong tampi om hi.
Tu quarter Sabbath School 13na sumpi
in Zimbabwe gam ah kipuak ding a, a diakdiakin khangno kipantah nading in
kizeek ding hi.
