LUNGNOPNA TAKTAK ZONG
ZIMBABWE |
July 5 | Denroy
Denroy in kum 10 cing khin khangno khat hi. Kum 10 a cin ciangin zu a dawn thei ta hi. A teenna uh Zimbabwe gam Bulawaya khua-ah a teeng uh hi. A pa no khat in a suah ni kum 35 cin bawl uh a, a lawmte khat tawh a va hawh uh hi. Naupang in “ Hih bangin kham theih zu ka dawn ngei kei ding hi” ci-in a pulaak hi.
Bang hangin midangte in tua bangin
kham theih zu dawn uh hi ding hiam, ci-in a ngaihsun hi. Ken zong bang hangin
dawn lo ding ka hiam ci-in a ngaihsun zelzel hi. Tua bangin kham theih zu a
dawn mite in a dawn lote sangin nuamsa uh hi, ci-in a ngaihsun hi. Tua bang hi
mah taleh midangte bang mahin kham theih zu dawn dingin a khensat hi. Tawl khat
khit ciangin Denroy in lawm khat nei a, hih
a lawm in kum 10 cing khin deuh pan hi. Tua a lawm in huhna khat ngen
hi. “ Na inn sungah kham theih zu na koih uh maw, ci-in a dong hi, ci-in
Privilege a dong hi. “Pawl khat dawn lecin kuama in hong thei lo ding hi,”
ci-in a hanthawnhi. Privilege pate in bang mah thei lo takpi hi. A
lawmta-un
beer gusim zel uh a, a nihun zu dawn khawm zel uh hi. Denroy in tua bangin zu a dawn ciangin
lungnopna khat nei ing, ci-in a lawmte tung a pulaak thei zel hi. Denroy in ahihleh a nulepa theisak nuam lo
hi. A lawm Privilege tawh zu a dawn uh ciangin a lawm pa inn ah a giak suak hi.
A zu kham a kap khit ciang bekin a inn ah ciah ngam pan hi. Tua bangin zan
tampi sawm giakin a om den hi. Khuakhal khit ciangin sang kihon kik ciangin
Denroy nulepa in SDA pawl sangah sangkah dingin a sawl uh hi. Denroy in amah
sangin a uham zaw a sanggamte khat zong SDA sangkahin om a, SDA pawl sang in
sang hoih khat hi ding hi, ci-in a ngaihsun thei pah hi. Tua bangin sang a kah
hangin Denroy in sangsiate deih lo hi. Sangkah ciang laisinma-in siate in
thungetna neihpih masa uh hi. An nek ding ciangin zong thungetna nei uh hi.
Denroy in cikmahin thungen ngei lo hi. Tua bangin sang inn sungah biakpiakna
nei khawm den uh hi. Denroy in bang hangin mite in hih bangin thungenin
biakpiakna nei uh hi ding hiam, ci-in lamdangsa mahmah hi. Suakta kisa lo hi.
Kumpi sangte-ah sangnaupangte in amau ut bangin gamta thei uh a, hih pawl
sangah thukhun tamsa lua-in nopsa lo hi. Denroy in a sangkahna mun nuamsa lo
semsem hi. Zu dawnnuam zel hi. Tua
bangin a sangkahna zom toto thei sam a, Jesuh thu a kihilhte za mun mahmahin
tu-in Jesuh thu tampi neihna hong ngah theita hi. Hih bangin pawl sang hong tun
cilin Jesuh thu bangmah thei lo hi mah taleh sang kongkhakma-in Jesuh thu tampi
theihna hong nei to thei hi. “Jesuh in kua hi peuh mah ding hiam? ci-in a
lungngaingai hi. Koi bangin Jesuh tawh
vantung kah khawm thei ding ka hiam? ci-in a ngaihsun sun hi.
Zingsang biakpiak hun ciangin Denroy
in Pasian phatna la kisate a za hi. Jesuh thu za semsemin lungnopna khat a nei
semsem hi. Lai Siangtho sunga Jesuh kammalte “Note in nuntakna bucing na neih
nadingun Keimah mah kong pai hi,” cih thute in lungnop khamuanna a ngahsak hi.
“Keimah in Lampi ka hi hi; Nuntakna ka hi hi; Thuman ka hi hi” (John 10:10;
14:6).
2
Jesuh in kham theih zu dawn ding phal lo hi, cih
thu Denroy in a tel semsem ta hi. Jesuh in lungnopna phungpi hi, cih thu zong a
pom thei hi. A nunzia khempeuh hong
kikhel hi. Zu dawn nawn lo-in a om thei
hi. A lawmpa Privilege tawh zong kikhawl nawn lo hi. Sang tuah khit ciangin a
lawmte tawh kikhawl nuam nawn lo hi; bang hang hiam cihleh tua bangin lawm le
gual tawh kituah ciangin kham thei zu tuamtuam dawn zel uh hi. Tua hi-in sang
tuah ciangin zong lai bawl dingte bawl (homework)in a hun zang zaw ta hi. Inn sung inn pua nasepte a huh zaw hi.
Denroy in a lungsim khempeuh Jesuh ap
khin a, tui kiphum ding a khensat thei hi.
Tu-in Denroy in kum 16 bek cing khin a, Jesuh sungah nuntakna nei-in
nidang bang nawn lo-in lungnop khamuanna tawh a nungta thei khangno khat hong
suak hi. Hun khat lai-in “Lawm le gualte tawh kham theih zu dawnin nopna ka
zong hi. Ahi zongin
nopna taktakin Jesuh sung bekah om hi, cih ka mu hi.
Tu quarter Sabbath School 13na sumpi in
Denroy sangkahna Zimbabwe gam ah kipuak ding hi.
