PILNA TAWH KIDIM KHENTATNA
ZIMBABWE | July 19 | Genius
Genius in kum 14 a phak lai-in khensatna hoih lo khat a neikha ngei hi. Amah pen Zimbabwe gam Bulawayo khua-ah a teeng khangno khat hi-a, zatep tawh a hun a beisak den khangno khat hi. A taktakin zatep dingin geelna nei peuhmah lo hi. Khat vei tak ciangin a pa note khat kiangah va hawh a, hih a pa note in mopawi bawl dingin buai mahmah uh hi.
Tua
leh nupi khat in Genius kiangah mopawi bawlna-ah laam dingin va zawn hi. A dang
pasal nga tawh laam khawm dingin geelna nei uh hi. Genius in tua laamna sungah kihelin nuamsa mahmah
bilbel hi. Tua khangno dangte in koi bangin laam ding cihte a hilh uh hi. Tua
bangin a laam kisinsinin om uh a, a khawl uh hun khat ciangin a lawmte khat in
zatep in ci-in zatep ding a pia hi. Teep nuam kei taleh a lawmten sawl veve
a, a lawmte a kihtakna tawh a zeep kipan
hi. Kuamah in en lo ahih manin zatep hi.
Tua bangin zateep in a om ciangin a gawl ah a noplohna khat a om hi.
A
tuap sungah meikhu dim gawp ahih manin tua bangin nopsak lohna tampi a thuak
hi. Kha nih val bang sung tua bangin lam
kisinsin uh a, laamsinpihte in tua bangin zateepsakna hangin natna khat khit
khat nei toto hi. Amasa-in zateep kisinsak khit ciangin kaanza tep kisin sak leuleu uh hi.
Genius in Seventh-day Adventist innkuan panin a
khangkhia hi lo hi. Ahi zongin SDA sangah sangkah hi. Ni khat tua bangin a
sangkahna-ah kanzaa a tep kik leuleu hi.
A lawmpa khat tawh tua bangin kanzaa teep a, nuamsa mahmah uh hi. Dailen
buk sung khawngah a teep zel thei uh hi. Tua bangin a teep khit uh ciangin a
sangkhaan sungah va lut kik zel uh hi. A kanzaa a zak ciangin Genius in tha khat thu-in siapipa khaan
sungah va lut kik pah hi. Siapipa in “ Kua tawh zateep na hiam?ci-in a dongpah
hi.
Genius
in lau-na tawh hong kidim hi. Siapipa tungah a lawmpa min a pulaak khia ta hi.
Siapa in vauhilhna nei pah hi. “HIh bangin na teep lai uhleh sang pan hong
kihawlkhia ding hi,”ci-in a vauhilhpah hi. A lawmpa in a nung ciangin a zateep
khawl thei tuan lo ahih manin sang panin hawlkhiat a thuak hi. Genius in a
siapa tungah ‘Cikmahin za ka teep nawn peuh mah kei ding hi, ci-in kamciam a
pia hi. Sang sung ahi-a, sang pua lam ahi zongin a kimuhna peuhpeuh ah kiman
ding a, kihawlkhia ding hi, cih a pulaak phapha hi.
Genius
in tua bangin zatepin kham theih guih theih tawh kidiahi aom a nu in amuh
ciangin a lungkia mahmah hi. Genius in laam sin khin a, tua bangin a kisapna
munmunah laam dingin laam tawh sum tha lawh thei dinmun tung hi. Tua bangin
laamna tawh sum zong ding cih thu a nu in piangsa mahmah lo-in a phal kei hi.
Genius in tua bangin khua tuamtuamah zin kawikawi-in laamna tawh sum thalawh
theihna ngah thei ta ahih manin a innkuanpihte tawh kimuh loh hong sawt toto
hi. Tua bek tham lo-in kaanza teepin
guih theih kham theih tawh kidiahin om sawnsawn hi. Genius in nisimin bel
zateep lo hi. Teep nopna lungsim bel nei veve hi. A sangkahlai-in tua bangi
hamsatna khat peuh i tuah ciangin thungen ding ci-in a kihilh thute a nung
phawk sansan hi. Pasian in tua bang mawhna a maisak nadingin zong mawh thuumna
zong a nei hi. Tua hun laitakin kanzaa teep khawl ding zong thu a ngen tawntung
hi. Pasian in lamdang takin nasem a,
zatep le kanzaa tepna panin a khawl thei hi. Genius in zong lamdangsa hi.
Pasian
thu theih beh nopna lungsim lian semsem a, Lai Siangtho sim akipan hi. Tua hi-in Genius in a nuntak
nadingin a thupi khensatna khat nei dingin a ngaihsun hi. Tua bangin zatepna
pan a khawl khit zawh kum khat khit ciangin Jesuh tungah a nuntakna kipia-in,
tui kiphum dingin a khensat hi. Tu-in
kum 16 a pha Genius in Lai Siangtho simin thungen lo-in bangmah sem lo hi.
A nuntakna buppi Topa tungah a kipia khangno khat hong suak hi. Pasian
tawh hun zatkhopna in manpha mahmah hi, ci-in a pulaak thei hi.
Genius
in Lai Siangtho bu nei khangno khat hi. A lawm a gual mi tampi in tua bangin
Lai SIangtho bu nei lo uh hi. Zimbabwe gamah Lai Siangtho bu neih zawh ding
hamsa mahmah hi.
Tu quarter Sabbath school 13na
sumpi in Zambia gam kipuak ding hi.
