LESSON 10 | Aug 30 – Sept 5

 

LESSON 10 *Aug 30 – Sept 5

THUCIAM LEH GEELNA

 

SABBATH NITAAK

Tu Kaalsung Simding: Pai. 24:1–18; 1 Kor. 11:23–29; Siam. 10:1, 2; Ezek. 36:26–28; Pai. 1–9; Pai. 31:1–18.

Kamngah: “Moses pai-a TOPA kammalte le ngeinate khempeuh mipite tungah a gen ciangin amaute in aw khatin, "TOPA gen khempeuh ka hih ding uh hi," ci-in a dawng uh hi.” (Pai. 24:3).

Topa in amaute Pasian, Piangsakpa, Tanpa hi. Topa in a mite tawh omkhawm nuam tawntung hi. A mite lakah hong teeng nuam tawntung hi. Amah tawh kizopna nei dingin hong bawl ihi hi. Mihing khat le khat kizopna-ah hun, hanciamna kisam hi. Pasian tawh kizopna a nei dingin hong deih Topa hi. Amah tawh kinai semsem a, bucing khantohna a nei dingin hong deih hi. Hih bang dinmun i tun zawh nadingin Amah tawh hun zatkhopna kisam hi. Cihnopna-ah Ama kammal, Lai Siangtho simna (Topa in a hong hopihna) le thungetna (Topa tungah lungsim honkhiatna, lawm bangin kiho-na) le midangte tungah Khrih sihna, sihna pan a thawhkikna thu le a hong pai kik nading thu pulaak ding (Pasian nasepna-ah kihelna) kisam hi.

Pasian in thupha hong piak manin midangte tungah zong tua thupha a hawmsawn dingin Topa in hong deih hi.I mitsuanpi ding Topa mah hi; ei le ei tha tungah a kinga ding ihi kei hi (Heb. 12:1, 2).Topa tawh kizopna tungtawnin Ama nung zuih zawhna tha hong guan ding hi. Ama hong hilhna bangin a nungta thei ding le a hong sawl bangbangin a kalsuan thei ding hong deih hi. Leitung hun bei kuan a, a nungta Khrih nungzuite in Pasian thukham le Jesuh teci panna a lenkip mite hi ding uh hi (Mang. 14:12).

Topa a it mite ihi hi. Tua itna in sawlman nading tha hong guan hi.

*September 6, Sabbath a ding kiginkholhna in tu kaal lesson sim in.

 

SUNDAY   August 31

Laibu leh Sisan

 

Sim in, Pai. 24:1–8. Pasian Kammal simna in i nuntakna-ah bang dinmun nei hiam? Pasian le a mite kikalah thuciammna-ah sisan in bang sem hiam?

_________________________________________________

Pasian Lai Siangtho bu in a nungta hi-in, mihing le Pasian ahi-a, khat le khat kizopna-ah ahi zongin kizopna-ah mihing mah a thupi bel hi, cih hong hilh thu in a thupi mahmah le a thubulpi bel hi. Tua hi-in Pasian in mihingte hong lunghimawh tawntung hi. Ama sepna khempeuh in mihingte tawh a hong kizopna bekbek hi, cih kimu thei hi. A tawpkhakna-ah Pasian in itna tawh a kidim Pasian hi. Mihingte tawh a hong kizom nuam tawntung Pasian hi; tua kizopna-ah itna in a thu bulpi, a thu lian bel hi. Kizopna om lo-in itna om thei lo hi. Kizopna a om ciangin itna om thei hi bek hi. Jesuh in “ Leitung panin ka kahtoh ciangin kei kiangah mi khempeuh ka kai ding hi.” (John 12:32). Pasian in i gamtat zia le tong hoih, doctrine man, mukpau kampau hoih ding lunghimawh bek tham lo-in amah tawh mimal kizopna i neih ding hong deih lianbel hi.(Pian. 1–2 in kizopna thu hong hilh hi. Amasa-in Pasian tawh kizopna hong hilh a, Sabbath in tua kizopna pulaak hi.

A nihna-ah khat le khat kizopna hong hilh hi. Khat le khat kizopna-ah nupa suahna thu hong pia hi. Sinai-a kipia thuciam in hih kizopna thu mah genpi belin nei hi. Topa Pasian in mihingte tawh kizopna a lunggulh tawntung Pasian hi. Biakna tawh kipawl pawi a bawl uh ciangin mipi in Topa thupiak “ka zui ding uh hi,” “ ka zui ding uh hi,” ci-in nih vei bang ngaihtakin kiciamna a nei uh hi. Topa hong sawl khempeuh ka zui ding uh hi” ci uh hi. Sisan in thuciam laibu tungah a kitheh ciangin Khrih in amaute zawhpih ding ahihna a pulaak uh ahi hi.

Mihing in thaneem, mawhna tawh kidim ihihna i nialnuam pahpah hi. Tua bangin na hoih na pha matutzawh nadingin Pasian huhna, Ama zawhna i kisam hi.Pasian hehpihna, Ama vangliatna bek in zawhna hong guan thei bek hi. Na khempeuh i nial khin pial zongin siatna in hong zo thei veve hi lo hiam? Tua ahih ciangin Topa tawh kinai semsem ding kisam mahmah hi. Sinai Muala Israelte bangin tuni-in zong Topa tawh mimal kizopna kisam hi lo i hiam?

“Topa hong sawl khempeuh ka sem ding uh hi’ (Pai. 24:3),ci-in thuciam uh hi. Israelte bangin bangzah vei “Topa hong sawl khempeuh ka sem ding hi, ci napi-in lawhsam zel i hiam? Bang in matutna hong guan ding hiam?

 

MONDAY     September 1

Pasian Mu

 

Sim in,Pai. 24:9–18. Israelte in a lamdang bang thu thuakkha uh hiam?

______________________________________________________

Pasian tawh thuciam a bawlkik khit ciangin Moses in Sinai Mualah vakahto kik hi. A kahtoh cilin Moses guak bek hi lo hi.Amah in a kician mahmah makai 73 tawh a kahto hi. Tua makaite adingin tua thuciam in a lamdang mahmah a tuahkhak thu hong suak hi. Amaute in Pasian amu uh hi. Lai Siangtho in hih thu nih vei a pulaakna kimu thei hi. Tua makaite in an nekhawm, tui dawnkhawm uh a, Pasian tawh thuciamna a nei uh hi. Tua in pawi lianpi khat ahi hi. Israel Pasian in amaute zin a do, an vak innteek a suak hi. Hih makaite in Pasian pahtawi-na lianpi a ngah uh hi. Middle East ngei-na ah an ne-khopna in a thupi mahmah khatin ciamteh uh hi. Hamphatna, pahtawi ngahna khatin nei uh hi. Tua in mawhmai ngahna hi-in, kilawmtatna zong hi. A diakdiakin tua bangin khat le khat kilawmtatna in lungkhamna, buai-na khat peuh a tuah khak uh ciangin tua bangin nekkhopna khat nei uh a, tua in manpha diak deuhse hi. An ne dingin sapna a ngah mi in hamphatna lianpi a ngah hi, ci-in kiciamteh hi. Mi khempeuh in tua bangin sapna ngah hi lo uh hi.

Tua hi-in tua bangin sapna ngah napi-in a nial mi in a samte thudonlohna a lak suakpah hi. Hih thu in Thuciam Thak pulaak Jesuh Khris thute theihtelna hong guan hi. Thuciam Thak in mawhneite adingin Jesuh hong sihna thu hong hilh lianbel hi (Luke 5:30). Thu-um mite in Topa Nitak An a nek uh ciangin khat le khat kizopna kip takin a nei thu-um mite ahi uh hi. Hih annekkhopna sungah Jesuh sungah mawhmai-na le hotkhiatna thu hangin lungdamna a nei uh hi (Matt. 26:26–30, Mark 14:22–25, 1 Kor. 11:23–29). Sinai Mual ah Moses tawh a kahto tua makaite kimkhat in mawhna sung tungkikin kisiatna thuak uh hi, cih thu in a dahhuai mahmah hong suak hi. (Siam. 10:1, 2, 9). Tua bang mite in Topa tawh thuk takin kizopna nei uh hi mah taleh kikhelna bangmah a nei thei kei uh hi. Thuman theihtelna in kikhelna piangsakpah lo ahihna lamdangsak ding hi lo hi. Hih mite in thuman thei-in kikhel uh hileh bangzahin deihhuai zaw kan ding hiam? Ahi zongin tua bang mite in siatna sung a tung khin uh hi.

Aaron tate a kipan tua bangin mi hampha mite (Moses tawh Sinai mual kah mite) nunzia ngaihsun in. Hih in bang vauhilhkholhna hong piapia hiam? Adventist thu-um mi khat ihihna tawh bang thuman khuavak hong kipia hiam? Tua in i hamphatna lianpi hi lo hiam?

 

TUESDAY     September 2

Sawlman Zawh Nading Huhna

 

Sim in, Eze.36:26–28. Koi bangin i nuntakna-ah sawlmanna kisam hiam?

______________________________________________________

Israelte in Topa Pasian sawl bangbang thum vei bang a manna uh kimu thei hi (Pai. 19:8; Pai. 24:3, 7). Thumanna ahih keileh sawlmanna in thupi mahmah hi. Lai Siangtho hong hilhna-ah mihing in thaneem, kisia,mawh dim hi. Hih thu in a dah huai thu hi. Taanglai Israelte nuntak khuasakna tungtawnin Topa in a thuman thute a hilh hilh hi. Tua hi-in koi bangin Pasian tungah citakin, thuman ding i hiam? Hotkhiat lungdamna thu in sawlna tawh a tonkhawm thu hi-in, tua sawlna i matut zawh nadingin tha a hong guan veve hi. Tua in Ama nasep hi. Ezekiel 36:26, 27 pulaak thu laigil in kamsang Ezekiel in kitel kician takin hong hilh thu kimu thei hi.Pasian bek in lungtang khel thei bek hi. Amah in suang lungtang hong lakkhiatsakin sa lungtang hong guan thei hi. Joshua hong hilh bangin “Note in Topa na nasem zo kei uh hi” cih thu hong phawksak hi (Josh. 24:19).

Pasian nung a zui dingin khensatna i nei thei hi. Deihtelna, khensatna i nei thei hi. Tatsat lo-in Ama tungah ki-ap thei ihi hi. Deihtelna tawh Ama na a sem thei ihi hi. Tua hi-in i thaneemna tuamtuamte Topa tungah vasuankhit ciangin Amah in thahatna hong guan a, Ama deihna bangin nungta kalsuan theihna hong pia hi. Paul in zong hih bangin a pulaak hi: “Ka thanem ciangin a thahat ka hi hi (2 Kor. 12:10).

Ezekiel 36:24–30 sungah kammal sungah “Kei” “ka” cih kammal ciamteh in. Pasian in kaikhawm hi. Hahsiang hi. Ama thukham bangin a nungta zo dingin tha a hong guan hi. Ama sep bangbang nang zong na sem zo ding hi. Amah in nang hong teel khin hi. Ama tapa, tanu na hi hi. Amah sungah lawp takin a nungta thei na hi hi. Hih thute in Pasian sepna a pulaak pha diak hi. New King James Lai Siangtho in hih bangin a pulaak hi: “Keimah in note sungah ka Kha ka koih ding hi. Tua ciangin note in ka thupiakte, ka thukhenziate na zui zo ding uh hi (Ezek. 36:27).

Pasian in a mite tung pan hong kalh om a, tua thu i matut zawh nadingin zong tha hong guan hi.Ama thupiak a zui nuam mite tungah tha le ngal a hong guan hi. Diktanna, siantho-na bangmahin Ama sawlmanna in Pasian hong piak khong mah hi (Phil. 2:13).

Sawlman zawhna tha hong kipia ding kamciam ngah khin hi mah taleng, bang hangin mawhna sung kiakia lai i hiam?

 

WEDNESDAY   September 3

Amite Lakah

 

Pasian in lam tuamtuam tawh a mite thuhilh tawntung hi. Tuate lakah biakbuk zong khatin kihel hi.Biakbuk nasep khempeuh in hotkhiatna thu hilhna vive hi; tua thute in kum zalom tampi khit ciangin Jesuh in a tangtungsak hi.

Sim in, Pai. 25:1–9. Lai Siangtho thu thuk bang hong kihilh hiam? Nuntakpih ding bang thu hong hilh hiam?

______________________________________________________

Pasian in Israelte a makaih bek tham lo-in amaute in kinai takin Topa tawh a tonkhawm uh hi. Tua hi-in Moses in biakbuk lam dingin sawlna a ngah hi. “ Tua hi-in amaute in biakbuk khat a lam dingin na sawl ding hi. Amaute tawh ka teeng khawm ding hi.” (Pai.25:8). Pasian in a kimu thei nate tungtawnin a mite tungah a hong kilang hi. Amaute in mawhna sung tampi vei tung khin uh hi mah taleh, Topa in amaute a taisan kei hi. “Amaute in vantung maipha a ngah thei uh hi” (Ellen G. White, Patriarchs and Prophets, p. 343). Paul in Athen khua-a Areopagus innpi sungah thugenna a nei hi: “Leitung le a sung aom na khempeuh Piangsakpa in khut tawh kibawl biakinn, innte sungah a teeng kei hi (Sawl.17:24). Tua hi-in Solomon in, 1 Kum. “ Pasian in leitungah hong teeng suk ding hiam? a ci hi.

En un vantung le a sangpen vantung in nang hong uk thei lo hi. Hih ka lam inn in bangzahin neu zaw thamlai hi lo hiam?(1 Kum. 8:27). Biakbuk in Pasian in a mite tungah a hong kilaakna mun hi. Israelte in piaknopna lungsim, citpiakna tawh a piakhiat uh van le nateng tawh biakbuk kilam hi. Tua vante in manpha mahmah hi; kham, ngun, acacia sing, le puan nam tuamtuamte akipan olive thau le gim namtui tuamtuamte a pia uh hi.

Sim in, Pai. 25:10–27:21. Biakbuk le a sunga kisem na khempeuh a neng a tawngin hong kihilh hi. Biakbuk lamzia ding le a sung kisem kibawlzia ding, thuciamna singkuang a kipan, khoimun koihna tau, meivak khuamte, kidalna puan, a golzah ding le a mel ( colour) dingte zong a hilh khol hi. Moses in Pasian lahna bangin biakbuk a lam hi (Pai. 25:9, 40; Pai. 26:30); hih biakbuk in vantung a om biakbuk limcing hi (Heb. 8:1, 2; Heb. 9:11). Leitung biakbuk in Jesuh hong sih mateng a kizang toto hi-in, vantung biakbuk a Khrih nasepnate hong hilhhilh hi.A limciinnate tangtun a kipan, Jesuh in sihna hong thuak a kipanin, leitung biakbuk in kimanna nei nawn lo hi.

Siangtho mun le Siangtho Bel Mun in Khrih nasepna pulaak hi-in, Jesuh hong sihin kidalna puandal a kikhek hi (Matt. 27:51, Mark 15:38).

 

THURSDAY    September 4

Pasian Kha Siangtho Tawh Kidimna

 

Moses in biakbuk a lamzia ding a neng a tawnin Topa in Moses hilh sitset khin hi. Biakbuk kilam nading bek tham lo-in biakbuk sung a kisem ding biakpiakzia khempeuh zong Topa in a hilhkhol hi. Siampite in siampi puan nei ding uh a, siampi lian bel in a silh ding a tuam vilvelin ephod a bawl ding hi. Tua puan tungah Israel minam 12te min kigelh ding hi. Siampi in awmdal puan a silh ding hi. Hih awmdal puan tung, a lungtang mun ah Urim le Thummim kikoih ding hi (Pai. 28). Siampi khempeuh apna zong kinei ding hi (Pai. 29).

Sim in, Pai.31:1–18. Pasian in a tuam vilvelin huhna bang pia a, tua ciangin biakbuk sung vanzat ding khempeuh kisem khin zo thei hiam? Koi bangin biakbuk sung zat ding khempeuh a kiging khol thei uh hiam?

_______________________________________________________

Lai Siangtho sung ah a kipulaak bangmahin a masa penin Pasian Kha Siangtho tawh a kidim mi thu hong hilhna-ah “Kha Siangtho tawh a kidim i cih in bang hi ding hiam? Bezalel in biakbuk lam nasep a sem khat hi-in hoih takin biakbuk lam thei bek tham lo-in a khutma zong hoih mahmah, etlawm mahmah hiAmah in zong biakbuk lamna-ah a mapangpi khatin hong om hi. Tua bangin siamna, kivaakna tuamtuam nei hi mah taleh Sabbath in Topa le a mite kikal kizopna limcing dingin hong kipia hi hi. Topa Pasian in a mite siangthosak hi, cih thu zong hong hilh hi. Tua hi-in thupiak 4 na in siangtho-na tawh kizopna nei hi. A nung ciangin Ezekiel in hih bangin kician takin hong hilh hi: “Nang le kei kikal ah ciaptehna khat ahi dingin Sabbath ka hong pia hi. Tua hi-in ka mite in kei hong thei ding uh a, ‘Keimah in amaute a siansuahpa ka hihna a hong thei ding uh hi ” (Ezek. 20:12). Tua hi-in Sabbath in Topa in Piangsakpa ahihna hong phawksak bek tham lo-in (Pian. 2:2, 3), Honpa, Tanpa ( Thkna. 5:15; Mark 2:27, 28) le |. Hih suangpekte in Siangtho Bel Mun sunga thuciam singkuang sungah kikoih hi. Thuciam singkuang nuai-ah hehpihna tokhom a om hi (Pai. 25:21).

“Hehpihna tokhom” cih kammal in Hebrew kammal khat panin hong pai hi. Kammal buppi a khiatna in “kilemna bawl/ pia” cih khiatna nei hi. Tua hi-in bang hangin “Hehpihna tokhom” in Pasian thukham tung lianah kikoih hi ding hiam? Hih thu in bang lametna hong guan hiam”

 

FRIDAY September 5

Simbeh Ding: Ellen G. White, “The Tabernacle and Its Services,” pp. 343–353, in Patriarchs and Prophets.

Biakbuk in mawhmai-na ngahna mun tuam vilvel khat hi. Biakbuk in Pasian mite in Amah tawh kizopna, kilemna a ngahna mun hi. Tua hi-in hotkhiatna sepna khempeuh a kimuhna mun zong hi. A tuam vilvelin Israelte in sehnel gamlak sung a khualzinna vuah Topa tawh a kimuhna mun ahi hi. Biakbuk in dikna thu, sianthona thu, le thukhenna thu a kihilhna mun hi. Biakpiak nadingin ganhing kipaipih a, tua ganhingte sihna in Jesuh sihna a limcing kholkhol hi. Pasian thukham in thukham singkuang sungah kikoih hi. Thukham in dikna le thukhenna-ah siksan lian bel hi. Thukham in thukham a palsat mi tungah a mawhpaih hi. Thukham tungah hehpihna tokhom om hi. Hehpihna tokhom in mawhmai-na, Pasian ompihna a kilangsak hi. Hihte khempeuh biakbuk sung a kisem na khempeuh in limcing hi. Tua hi-in biakbuk sung a kisem na khempeuh in “hehpihna le thuman kimuhkhopna hong hilh hi; dikna le daihna in kinam hi. Late 85:10.”Ellen G. White, Patriarchs and Prophets, p. 349.

 

KIKUP DING DOTNATE

1. Topa hong sawl khempeuh ka sem ding hi,” bangzah vei na ci ngei khin diam?Tua bangin nasepna-ah matutna na ngah hiam?

2. Moses in ni 40 sung Sinai Mual tungah Topa tawh a kimuh khit ciangin Topa in Sabbath thupiak a kipan a thukham khempeuh a zuih nadingun Israel mihonte tungah pulaakna a nei hi. Tua thukham in Topa le a mite kizopna ciapteh nading hi-in, Topa in amaute Siangthosakpa hi, cih thu zong a pulaak ahi hi. Siantho-na le mawhban lohna in Sabbath sianthosakna ah bang dimun nei hiam?

3. Topa in Israelte tungah “Amaute lakah ka teeng ding hi” ci-in biakbuk lam dingin a sawl hi. Hih thu in Israelte kihotkhiatna-ah bangzahin thupi-a vanglian hiam? Biakbuk tungtawnin Topa in a mite tawh hong teengkhawm hi, cih thu in hotkhiatna limcing khol, a pulaak kholkhol hi lo hiam? Hih thu in eite a hong kihotkhiatna in Pasian tungah bekah kingah hi, cih hong hilh na hi lo hiam?

4. Biakbukah sisan khempeuh paipih ding hi, cih thu a khiatna in bang hi ding hiam? Koi bangin hih a lamdang thu in singlamteh tunga Jesuh hong sihna, tu mahmahin vantung biakbuk ah eite adingin a sepna a pulaak hi lo hiam?