July 5 | Lungnopna taktak zong

 

LUNGNOPNA TAKTAK ZONG

ZIMBABWE | July 5 | Denroy

 

Denroy  in kum 10 cing khin khangno khat hi.  Kum 10 a cin ciangin zu a dawn thei ta hi. A teenna uh  Zimbabwe gam Bulawaya khua-ah a teeng uh hi. A pa no khat in a suah ni kum 35 cin bawl uh a,  a lawmte khat tawh a va hawh uh hi. Naupang in “ Hih bangin kham theih zu ka dawn ngei kei ding hi” ci-in a pulaak hi.

July 12 | Aheh mahmah Innpapi

 

AHEH MAHMAH INNPAPI

ZIMBABWE | July 12 | Tanya

 

ZIMBABWE | July 12

Tanya

Pa in heh hi, cih Tanya in a thei hi. Amah pen tui kiphum khinsa khat hi-in, a kituiphumna laidal a lupna tungah a pa in mu ahih manin a pa nak heh mahmah  hi. A Lai Siangtho bu sungah a koih hi-in, a pa in a vanteng a pheh kawikawi-na panin tua bangin tuiphumna laidal mu kha hi. A pa in “Kong sat ding hi” ci-in a pulaak hi. A pa heh lua mahmah ahih manin tua tuiphumna laidal a balnen gawp hi. Tua laitakin Tanay in kum 17 cingkhin hi. A pa in tua bangin tuiphumna laidal a balkek gawp amuh ciangin Tanay a khitui luang hi. “ Kikhawm ka pai nawn kei ding hi” ci-in a pulaak hi. Tua bangin a kap laitakin a nu  hong pai hi. A nu in Tanay kiangah “ Pai vo, kikhawm ni, ci-in hong sawn  hi.

July 19 | Pilna tawh Kidim Khentatna

 

 PILNA TAWH KIDIM KHENTATNA

 ZIMBABWE | July 19 | Genius

 

Genius in kum 14 a phak lai-in khensatna hoih lo khat a neikha ngei hi. Amah pen Zimbabwe gam Bulawayo khua-ah a teeng khangno khat hi-a, zatep tawh a hun a beisak den khangno khat hi. A taktakin zatep dingin geelna nei peuhmah lo hi. Khat vei tak ciangin a pa note khat kiangah va hawh a, hih a pa note in mopawi bawl dingin buai mahmah uh hi. 

July 26 | Guahzuk nadingin Kap

GUAHZUK NADINGIN KAP

ZIMBABWE | July 26 | Sibongile

 

Guah zuh loh kha tampi pai khin hi. African gam keu mahmah khin hi. Lo khote in guah zuk ding ngak lah mahmah khin uh hi. Vaimiin tuh ding, mehthuk ciing ding, lo thang a kipan khaici tuamtuam tuh dingin guah tui ngakin om uh hi.  Solusi Adventist High School ah Sibongile in sangkahin om hi. Amah pen kum 22 cing khin hi.Sangnaupang tampite in a sangsap ding uh khaici ngahna tungah kinga uh hi. Khaigah lak ding om ciangin  sangsum piak ding a nei thei bek uh ahi hi. Tu-in guahzuk loh kha tampi cing khin a, khai kipawi thei keileh an lak ding om lo ding hi. Tua hileh sangsap kisam veve hi ding uh hi. Sangah zong nek ding bangmah om nawn lo hi. Sangnaupangte a kipan nulepa tampi in lunghimawh mahmah uh hi. Sibongile in zong bang ci ding cih thei lo ahih manin lungman mahmah hi. Lozang mun khatah tui khui khat to uh a, tua panin tui tawmtawm kikhai thei bilbel hi.

August 2 | Lametloh Sabbath Tawlngakna

 

 LAMET LOH SABBATH TAWLNGAKNA

 ZIMBABWE | August 2 | Tracy

 

Tracy in Seventh-day Adventist university ah sangkah dingin ki-ap hi. Saturday ni hong tun ciangin bangmah sem lo-in tawlnga hithiah dingin a ngaihsun hi. Tracy in Adventist upna bangmah thei a nei kei hi. Solusi University ah laisinin a sangkahna nuamsa mahmah hi. Kum 4 bang sangkah lai ding cih a ngaihsut khak ciangin a sangzawhma-in Adventist biakinnah kikhawm ding a ngaihsun hi.

August 9 | Ka lungdam uh hi

KA LUNGDAM UH HI

ZIMBABWE | August 9 | Siyabonga

 

Siyabonga a khiatna in “Ka lungdam uh hi” cihna hi. Siyabonga in Siswati kampau uh hi. Siyabonga in lungdam phadiak hi. A nu in kiho dingin zan nai 8 kimin sam hi.  A nu in a nasepna pan hong ciah hi. Amah pen Eswatini ah manager sem hi. A nu in “ka khaan sungah hong pai in” ci-in a sam hi.” Gennop khat nei ing” ci-in a hopih hi. Siyabonga in bang thu hi ding hiam cih thei lo ahih manin tua bangin a nu in a sap ciangin lamdangsa mahmah hi. “Lungnopna khat ka nei hi. Hih mun in nang om nading mun hi,” ci-in a pulaak hi. Tua ciangin Siyabonga  in a nu pulaak thu a thei hi. A nu in a lawmte khat kiangah lamhilhna khat a nei ngei khin hi. Solusi university ah sangkah dingin a sawl hi.  Hih university in amau omna khua panin tai 500 bang gamla hi.

August 15 | Pasian Hopihna za in Mawhna mudah

 

PASIAN HOPIHNA ZA-in MAWHNA MUDAH

NAMIBIA | August 15 | Uapahurua

 

Namibia sehnel gam mite khang tangthu in  kum zalom tampi val khin hi, cih kimu thei hi. Himba  minamte in mun khat pan mun khat zin kawikawi minam khat  hi; teenna mun kip, leitang nei lo minam hi. Tua bangin a zin kawikawi-na vuah a gan kawite uh bawng, keel le tuu tampi tawh a zin khawm uh hi. Guah zuih hun tomno sung ahi thei bangbangin tui khol uh a, kum kha tawntung khom phial mai uh hi. Uapahurua in Himba minam hi-in, Himba minam lakah Seventh[1]day Adventist Pawlpi hong lut amah bek mah hi photlai hi. 1993 kumin Pasian thu a zakna panin SDA thu zui mi-ah hong kikhel thei hi. Ama tangthu in a nuai bang hi.

August 23 | Pasian theihnopna lungsim nei

 

PASIAN THEIH NOPNA LUNGSIM NEI

NAMIBIA | August 23 | Kazuvakua

 

15

Namibia sehnel gam a  mite tangthu in kum tul tampi cing khin hi. Hih minamte pen mun khat pan mun khat ah kituah kawikawi uh hi. Teenna gam kician nei lo uh hi. Keel le tuu tampipi khawi uh a, vaimiim limtakin cing zihziah uh hi. Kum khat khom ding lokho uh hi. Tua bangin lokhawhna munah lo buk neuneu nono lam uh a, tua lo bukte in amaute teenna mun suak mai hi.

August 30 | Alamdang mahmah Guahzukna

 

A LAMDANG MAHMAH GUAHZUKNA

NAMIBIA | August 30 | Tjiyapana

 

Tjiyapana in khua hausa sem khat hi. Hih khua ah inn 15 khawng bek hi. Mun khat pan mun khatah a kituah kawikawi minamte ahih manun mun kip, teenna leitang nei lo minamte hi. Amah zong 1993kum a Pasian thugenna khat panin Pasian thu um mi khat hong suak hi. Tjiyapana in a kum phazah thei lo hi. A nulepate in a suah ni, kha, kum cihte ciaptehna nei lo uh hi. Ama upmawh ah kum 82 a cingkhin dingin kingaihsun hi. Zi 4 nei-in suan le khak tampi zong nei hi.

Sept 6 | Zudawn, Guktakna leh Pasian

 

ZU DAWN, GUTAKNA LE PASIAN

ZAMBIA | September 6

Bethel

 

Bethel in Zambia gam a om Rusangu University ah sangkah dingin a min pia khin khangno khat hi. Bang hnagin hih sangah kah nuam hiam cihleh a zu dawn khawl nuam hi. Hih sangpi in  SDA pawlpi sang hi-in, SDA biakna in ka nunzia hong khel ding hi, cih lametna lianpi khat a nei hi. Bethel in SDA innkuan sung pan a khangkhia khangno khat hi. Ahi zongin kum 15 a phakin a nu in sihsan hi. Tua khit a kipan zu dawn kipan hi.A nu nusiatna hangin dah lua mahmah a, a lawm le gualte in na lunglenna, na lungkhamna na mangngilh nopleh zu dawn in ci-in zu dawn dingin sawl uh hi. Nisimin zu  dawn den a, kum nih sung bang tua bangin a hun beisak hi. Tan 10 a zawh khit ciangin a TV etna panin Rusangu University thu kigen khat a mu kha hi. Hih sanginn ah sangkah sangnaupang peuhmah in zu dawn lo, za tep thei lo hi, cih a theih a kipan hih university ah sangkah nopna lungsim a nei hi. Hih sangah va kah thei hi leng ka nunzia kikhel ding hi, ci-in lametna lianpi a nei hi.

Sept 13 | Alamdang mahmah Zato

A LAMDANG MAHMAH ZATO

ZAMBIA | September 13 | Mwate

 

Mwate Mwambazi pen naupang siavuanpi khat  hi bek tham lo-in pawl sungah zong upa makai khat hi. Ama nasepna pen Chitanda Lumamba Adventist Hospital hi. Hih zato hong piankhiatna zong a lamdang mahmah khat ahi hi. Pasian hehpihna hangin hih zato innpi hong ding thei hi, ci-in a pulaak phapha hi.

          Chitanda Lumamba in Zambia gam khua khata hausa khat hi-in,Khristian pawlpi khat tungah leitang  24 acre a piakhia hi.  Hih kipawlnate in zato lianpi khat lam uh a, Zambia kumpi a ap uh hi. Tua ciangin hih zato innpi pen Seventh-day Adventist Church in len dingin kithukim uh hi. “ Hih zato no len unla, Mwami zato bangin bawl un”ci-in kizasak uh hi. Hih zato inn in cidam nading bek tham lo-in nuntak dam nading, thu upna dam nadingin kilunggulh mahmah hi, ci-in a kikupna zong a nei uh hi. Mwami Adventist Zato innpi in  Zambia khanglam khua- khat ah om hi. Tua bangin zato innpi khat SDA pawlpi let dingin a lunggulhna uh a hang pen hih bang ahi hi: “Hih zato in zato dangte bang hi lo-in sum zonnna zato hi lo hi.  A meet  ngah nading a kisem zato hi lo hi. Kum khat sung a sum bei khempeuh kum khat sung asum ngahzah tawh kituak in sum zek zato hi. Khua sung khua pua mite phattuam nading mungtup lianbelin a nei zato hi. Hih bangin a kisep zawh nading lunggulhna tawh leitang kipia hi, ci-in Mwate in a gen hi. A lamdang mahmah zato innpi khat  hong suak hi. Hih zato kim a teengte in zokho singpua mi vive hi-in, nek tawm zong ahih manun sum nei lo uh hi.

Zato hon pawi bawlma-in Adventist Pawlpi in kongkhakte a kipan tui lak nading a kisam bangteng a bawlsak uh hi. Zambia president in Seventh-day Adventist thu zui mi khat hi-in hih zato lam na-ah zong huhna tampi a pia khia hi. Mwate in Northern Zambia Union Conference ah cidamna lam ah makaipi khat hi. “Pasian hehpihna tawh tua bangin Pasian nasepna-ah masuan lianpi nei to thei suak hi. Ama sum tawh Pasian nasepna-ah kihelna tampi nei hi. Hih a kilam innpi zong ama piakkhiatna kihel hi. 2023 kum a kipan a kizang toto khat hi-in,  president Hakainde Hichilema in kumpi huhna pia dingin kamciam hi. Kumpi huhna ngah thei uh hileh meiset le misite kikoih nading inn khat lam dingin geelna nei uh hi. Zambia gam in mei gina nei lo hi. Gam sungah guahtui tawmna hangin mei pia zo lo suak hi. Kha nga khit ciangin meiset hong tung a, misite koihna-ah kizang theipah hi. Hih zato inn in khua sung mite bek tham lo-in khua kim khua paam khua tampi panin mi tampi in phattuamna ngah thei uh hi. “ Mite nop tuam nading i huh theihte i huh ding kisam mahmah hi. Tua bangin mapan khopna hangin a gim, a tawl mi khat peuh in tawldamna a ngah theihleh a kiciangtan  thei lo manphatna hi pah hi, ci-in Mwate in pulaak hi.          Zato kihonma-in hih khua tawh kinai pen zato  in tai 55 bang gamla hi. Cina pua mawtaw zong khat bek om hi. Lampi lah gina vet lo-a, cina gim khat a om ciangin a hun lapin zato paipih ding pen hamsa mahmah hi. Ahi zongin tu-in zato inn khat kinei zo ta ahih manin cina mi tampi in noptuam ngah thei uh hi. Mwate pianna nu mahmah zong tua bangin a hun lap a zato kipuak thei lo ahih manin a natna tawh si hi. Tu-in hih zato ah puan sawpna le anhuanna inn ding kisam lai hi, ci-in Mwate pulaak hi. Anhuan buk pen cinate ading bek tham lo-in natkhoite adingin zong a kisam mahmah khat hong suak hi. “Africa gamah mi  khat peuh dam lo-in a om ciangin khua sung mi khempeuh kihuh kipanpih mahmah uh hi. Zato zuan khat a om ciangin a tawm pen mi nga le guk bangin zui ngeingai thei uh hi. Tua hi-in zato ah cinate bek  hi lo-in, cinate  an huan inn zong kisam mahmah hi. Tua khit ciangin puansawpna zong kisam mahmah hi. “Tu-in ahihleh puansawpna nei nai lo uh ahih manin singkung nuai peuhah puan sawp uh hi.

Tu quarter Sabbath School 13na sumpi in Mwate nasepna zato puah nadingin kipuak ding hi.

 

Sept 20 | Zato in Nunzia Khel

ZATO IN NUNZIA KHEL

ZAMBIA | Sept 20 Chitanda Lumamba

 

Chitanda Lumamba Adventist Zato in Zambia gam khuano khatah om hi. Hih khua mite in lokho singpua mi vive hi. Tua hi-in sum le paai hau kuamah om lo uh hi. Nek tawm zong vive hi mai uh hi.  Khua no khat ahihna tawh kizui-in khangnote in zu dawm uh a, khangno lai pipi mah zi nei pasal nei tam uh hi. Mawtaw, cycle cihte om lo ahih manin a painopna mun vuah khe mah tawh pai tangtang uh hi.

Sept 27 | Tuahsiatna pan hamphatna

TUAHSIATNA PAN HAMPHATNA

13th SABBATH | September 27 |  Emmanuel

 

Emmanuel Mwewa in Bangweulu kici bual tungah tam veipi kunkuang neu hotin kim kotkot hi. Hih bual tungah kunkuang tampi  om a, mi 100,000 val bangin sum muhna-in nei uh hi. Zambia gam mi tampite in gunkuang tawh nekzong uh hi. Emmanuel in Adventist pastor khat ahih bangmahin nipi khatin thu -um  mi 1,300 val bang tungah thu hilhna  anei den hi. Hih bual kim ah tuikulh neu nono zong tampi om a, a kunkuang mah tawh va pai kawikawi thei hi. Hih tuikulh kim Tengah SDA biakinn 10 val bang om ding hi. Hih bual sungah gunkuang khat kibung a, mi 14 SDA pawlpite sihvui-na a nei uh hi.